आज मिती २०८१ साल माघ महिनाको ६ गते आइतबार तदनुसार जनवरी महीनाको १९ तारीख सन् २०२५, माघ कृष्ण पक्षको पंचमी तिथी, आज बिहान ६ बजेर ५५ मिनेटमा काठमाण्डौ उपत्यकामा झुल्कीएको घाम साँझ ५ बजेर ३४ मिनेटमा अस्ताउने छ ।
मेष राशी: नँया कामको अवसर प्राप्त हुनुका साथै भाग्यले साथ दिने सामय रहेको छ। प्रयत्न गरेका काम सजिलै सम्पादन हुनेछन्। अध्ययनमा राम्रो उपलब्धि प्राप्त हुनुका साथै बौद्धिक प्रतिस्पर्धामा विजयी भइनेछ। प्रतिष्ठित काम सम्पादन गर्ने मौका छ। फाइदाको स्रोत पहिल्याउन सकिने समय रहनुका साथै सेवामूलक कामबाट धनलाभ हुनेछ।
बृष राशि: आजको लागि परिस्थिति तपाईको लागि अलि प्रतिकूल रहनेछ। हडबड गर्नाले काम बिग्रन सक्छ। बेसुरमा वचन दिने बानीले अप्ठ्यारोमा पार्ने भएपनि साथीभाइहरूको सहयोग जुट्नाले चिताएको काम बन्न सक्छ। प्रतीक्षा गरिएको नतिजा सबल रहने तथा सन्तान वा अनुयायीले साथ दिनेछन्।
मीथुन राशि: परिस्थितिवश चिताएको काम रोकिन सक्छ। आफ्नो मेहनतबाट अरूले फाइदा उठाउने चेष्टा गर्नेछन्। मौका आए पनि काम थाल्नुअघि राम्ररी विचार पुर्याउनुहोला। व्यवसायमा बाधा पुग्नेछ भने अरूका लागि बुद्धि खर्चनुपर्ने देखिन्छ। व्यवसायभन्दा सेवामूलक कामबाट राम्रो उपलब्धि प्राप्त हुने समय रहेको छ।
कर्कट राशि: आजको दिन बुद्धिको उपयोगले विद्या तथा धन आर्जन हुनेछ भने सानो प्रयत्नले ठूलो काम बन्ने समय रहेको छ। मेहनतले सम्मानित स्थान दिलाउनुका साथै प्रतिष्ठित काम गर्ने अवसर प्राप्त हुनेछ। बोलीको भरमा चिताएको काम सम्पादन हुन सक्छ। विचारले धेरैलाई आकर्षण गर्ने समय हुनुका साथै तपाईका प्रशंसकहरू बढ्नेछन्।
सिंह राशि: आजको दिन नयाँ कामको प्रस्ताव आउनेछ भने तपाईलाई साथ दिनेहरू बढ्नेछन्। प्रतिष्ठित काम गर्दै नाम र दाम कमाउने समय रहेपनि रचनात्मक काम प्रारम्भ गर्ने समय छ। सहयोगीहरूले राम्रो साथ दिनेछन् भने पहिलेको सफलताले पनि थप काम गर्न हौसला प्रदान गर्नेछ। बिछोडिएका परिवारजनसँग भेटघाट हुनेछ।
कन्या राशि: आफ्नै बेहोसीले नोक्सान पुर्याउनका साथै बलजफ्तीले पनि बाधा पुर्याउनेछ। घरखर्च बढ्नुका साथै अर्थ अभावले सताउन सक्ने समय रहेकाले होसियारीसाथ काममा जुट्नुहोला। विदेश भ्रमणका लागि प्रयत्न गर्ने समय छ। अवसरको खोजीमा केही दौडधुप गर्नुपर्ला। दोहोर्याएर प्रयत्न गर्दा रोकिएको काम सम्पादन हुन सक्ने योग रहेको छ ।
तुला राशी: आजको दिन फलदायी यात्रा हुन सक्छ तपाईले गरिरहेको काममा उत्साह जाग्नेछ । जागिरमा पदोन्नति हुनुका साथै व्यापार–व्यवसायमा फाइदा हुनेछ । दाम्पत्य सम्बन्ध पनि सुमधुर रहला । मेहनत गर्दा राम्रै उपलब्धि हातलागी हुनेछ भने आजको दिन नयाँ व्यवसाय प्रारम्भ गर्न सकिनेछ ।
बृश्चिक राशि: मेहनत परे पनि काम सम्पादन गर्न समय लाग्नेछ। अवसरका लागि विवादास्पद जिम्मेवारी वहन गर्नुपर्ला। विगतका कमजोरी बाहिर आउनाले पनि व्यवहारमा समस्या पर्ला। आफ्नैले काम बिगार्न सक्ने हुनाले नयाँ योजना प्रारम्भ गर्न उपयुक्त साइत पर्खनुहोला। काम दोहोर्याउनुपरे पनि समस्या सुल्झाउन सफल हुने योग रहेको छ ।
धनु राशि: तपाईले गरेको तारिफयोग्य कामको चर्चा हुनेछ। उपलब्धिको स्रोत प्राप्त हुनुका साथै दिगो फाइदा हुने काम प्रारम्भ हुन सक्ने समय रहेको हुनाले प्रतीक्षित नतिजाले उत्साह जगाउनेछ। मेहनतले विशेष स्थान दिलाउन सक्छ। विभिन्न अवसरले पछ्याउनेछन् भने दिगो काममा जग बसाउने अवसर जुट्नेछ।
मकर राशि: आजको दिन निकै नै चुनौतीपूर्ण परिस्थितिको बन्धनमा परिने योग भएकाले सजग रहनुहोला । अप्ठ्यारा परिस्थितिसँग सम्झौता गर्नुपर्दा मन खिन्न रहनेछ । विश्वास गरेकाले पनि आजको दिन धोका दिन सक्छन् भने साथीभाइहरू टाढिन सक्ने समय रहेको छ ।
कुम्भ राशि: मनोरञ्जनमा अलमलिँदा महत्वपूर्ण काममा पछि परिनेछ। परिस्थिति अनुकूल रहे पनि भौतिक सुविधाले खर्च निम्त्याउन सक्छ। रमाइलो क्षणमा पनि मन खिन्न रहनेछ। केही अप्ठ्यारा परिस्थिति आउनाले सोचेको लाभ नमिल्न सक्ने तथा आफन्तसँग असमझदारी बढ्न सक्छ। निम्तो प्राप्त भए पनि आतिथ्यता भने खर्चिलो बन्ने देखिन्छ।
र, मिन राशि: विभिन्न अवसरले पछ्याए पनि परिस्थितिवश पछि परिएला। महत्वपूर्ण काममा समय दिन नसक्दा लक्ष्य प्राप्ति नहुन सक्छ। प्रतीक्षा गरिएको नतिजा कमजोर रहनाले दिगो कामलाई केही समय पर्खनुपर्ला। पहिलेका सहयोगीहरू पछि हट्नाले कामको चाप बढ्नेछ। बलभन्दा बुद्धिको उपयोगले काम लिने चेष्टा गर्नु तपाईको लागि हितकर हुनेछ ।
