आज मिती २०८१ साल माघ महिनाको ७ गते सोमबार तदनुसार जनवरी महीनाको २० तारीख सन् २०२५, माघ कृष्ण पक्षको षष्ठी तिथी, आज बिहान ६ बजेर ५४ मिनेटमा काठमाण्डौ उपत्यकामा झुल्कीएको घाम साँझ ५ बजेर ३५ मिनेटमा अस्ताउने छ ।
मेष राशी: लामो समयदेखि रोकिएको काम छ भने पुनः प्रयास गर्दा सफलता मिल्ने समय छ । नयाँ योजना बन्नेछन् भने पुरानो समस्या सुल्झाउन सकिनेछ । ढिलासुस्तीले काम बिग्रनुका साथै हातमा आएको मौका समेत गुम्न सक्छ । लगानी र खर्च बढे पनि कठोर मेहनतले काम बन्ने योग रहेको छ ।
बृष राशि: आजको दिन विभिन्न अवसरले पछ्याउने समय रहेपनि व्यवसायमा भने लक्ष्यअनुसारको उपलब्धि प्राप्त नहुन सक्छ । स्वास्थ्यमा सामान्य कमजोरी रहन सक्ने समय रहेको छ, बिग्रिएको सम्बन्ध र विगतका कमजोरीलाई बिस्तारै सुधार गर्न सकिनेछ । बौद्धिक र रचनात्मक काममा सफलता मिल्नुका साथै पारिवारिक समस्याको समाधान प्राप्त होला ।
मीथुन राशि: आजको दिन तपाईको खर्च केही बढेपनि दिगो आयस्रोत जुटाउन सकिने समय छ । नजिकका साथीभाइ टाढिए पनि टाढाका साथीभाइ नजिकिनेछन् । स्वास्थ्यको लागि आजको दिन खानपानमा विशेष सावधानी अपनाउनु हितकर हुनेछ सकारात्मक कर्ममा आकर्षण बढ्नुका साथै ऋण रोग र शत्रुमाथि विजय प्राप्त हुनेछ ।
कर्कट राशि: विद्यामा कमजोरी र लेनदेनमा विवाद हुन सक्ने सम्भावना रहेकाले सावधान रहनुहोला । बाध्यताले अनावश्यक अलमल बढाउनुका साथै स्वास्थ्यगत समस्याले पनि सताउन सक्छ । सहयोगको आशा देखाउनेहरूबाटै धोका मिल्ने योग रहेकोले अर्काको भर नपर्नु नै हितकर होला । खर्चको तुलनामा कममात्र फाइदा हुने समय रहेको छ ।
सिंह राशि: आजको दिन रमाइलो जमघटका बीच स्वादिष्ट खानपानको आनन्द उठाउन सकिनुका साथै रमाइलो यात्रा गर्ने अवसर जुट्न सक्छ । अभिप्रेरणा जगाउनेहरू पनि प्रशस्तै भेटिनेछन् भने व्यावसायिक आम्दानी बढ्नुका साथै पछिसम्म फाइदा हुने काम प्रारम्भ गर्न सकिनेछ । प्रतिष्पर्धीहरू सक्रिय रहेपनि अधिकार र प्रतिष्ठा जोगाउन सफल भइनेछ ।
कन्या राशि: बोलीको कारणले केही समस्या उब्जिए पनि सहयोगीहरूले फाइदा दिलाउनेछन् । आजको दिन टाढाको यात्राको संभावना छ । अध्ययनमा समय दिन नसक्दा अपेक्षित नतिजा निकाल्न कठिनाई होला, लेनदेनको विवादले हानी पुऱ्याउन सक्छ, सावधान रहनुहोस् । स्वास्थ्यप्रति पनि आजको दिन विशेष ख्याल राख्नु हितकर हुनेछ ।
तुला राशी: आजको दिन नाम, दाम र इनाम कमाउने समय छ । सोचेको काम विस्तारै बन्नेछ । स्वास्थ्य भने सामान्य रूपले कमजोर रहला । कतिपय काम स्थगित हुनाले मन खिन्न भए पनि सेवामूलक कामबाट प्रतिष्ठा मिल्ने योग छ । लगनशील बन्ने प्रयत्न गर्नु हितकर हुनेछ । धन सम्पदामा बढोत्तरी हुनेछ ।
बृश्चिक राशि: प्रतिष्ठित कामको जिम्मेवारी मिल्ने समय छ । भूमि वा पैत्रिक सम्पत्तिमा भने विवाद आउन सक्ने सम्भावनाका साथै घरेलु समस्याले काममा सामान्य बाधा दिन सक्ने हुनाले सावधनीपूर्वक काम गर्नुहोला । अर्थ अभावले योजना स्थगित हुन सक्ने योग रहेको छ ।
धनु राशि: आजको दिन व्यस्तता बढ्नुका साथै व्यावसायिक काममा पनि विभिन्न समस्या आउन सक्ने समय रहेकाले केही समस्या निम्तिए पनि इच्छाशक्ति एवं मेहनतले फाइदा नै दिलाउनेछ । प्रतिस्पर्धाको दौडमा विजयी बन्ने योग छ । उद्योग-व्यापारमा विशेष फाइदा हुनेछ । योजना र बजेट बनाएरमात्र कारोबार गर्नु लाभदायक रहनेछ ।
मकर राशि: रोकिएका काम बन्ने र नयाँ काम प्रारम्भ गर्ने समय हुनुका साथै नाम, दाम, इनाम र प्रतिष्ठको योग छ । सहयोगीहरूले राम्रै साथ दिनुका साथै पराक्रम बढ्नेछ । इष्टमित्र एवम् सन्तान पक्षबाट सुख प्राप्त हुने तथा यात्रामा सफलता प्राप्त हुने योग रहेको छ ।
कुम्भ राशि: मेहनतले धेरैको विश्वास जित्न सकिने भए पनि कामको सन्दर्भमा विशिष्ट व्यक्तित्वहरूसँग निकटता बढ्नेछ । सोचेको काम सजिलै सम्पादन हुने हुनाले मन प्रसन्न रहला । प्रियपात्रसँग भेटघाट हुनुका साथै दिन रमाइलो बन्नेछ । कुनै पनि प्रकारको शारीरिक र आर्थिक विकाससित सम्बन्धित कार्यमा सफलता मिल्नेछ ।
र, मिन राशि: कर्ममा विश्वास गरेर अघि बढ्दा फाइदाहुनुका साथै आम्दानी बढ्नुका साथै ठूलो काम सम्पादन हुन सक्छ । अप्ठ्यारा परिस्थितिसँग सम्झौता गर्नुपरे पनि बुद्धि लगाउँदा लक्ष्य पहिल्याउन सकिनेछ । अर्थ अभावले चिताएको काम रोकिने सम्भावना रहेकाले सचेत रहनु तपाईको लागि हितकर हुनेछ ।
