काठमाडौं । नेपहपको श्रीपेच सिजन २ का विजेता ‘योङ्ग वेभ’ले आफ्नो अफिसियल गीत ‘बेबी’ सार्वजनिक गरेका छन् । सार्वजनिक भएको छोटो समयमा नै गीतले चर्चा सँगै युट्युबमा राम्रो भ्युज पनि बटुलिसकेको छ । गीतमा प्रोडक्सन, मिक्स र मास्टरिङ्ग ‘जेन’को रहेको छ भने गीतको भिडियो ‘घिसिङ२१’ ले निर्माण गरेका हुन् ।
यसअघि ‘योङ्ग वेभ’ले नवाज अन्सारीसँगको सहकार्यमा ‘ताकिया’ बोल पनि सार्वजनिक भई सकेको छ र आगामी दिनमा पनि सबै उमेर र वर्गलाई समेट्ने गरेर गीतहरू सार्वजनिक गर्ने उनले बताए ।
यता नेपहपको श्रीपेचका संस्थापक तथा प्रोजेक्ट हेड सुदीप पोखरेलले ‘योङ्ग वेभ’को प्रगतिको प्रशंसा गरेका छन् । ‘योङ्ग वेभ’ले कार्यक्रम भित्र मात्र नभई अफिसियल गीतहरूबाट पनि दर्शकको मन जितेको देख्दा गर्व लागेको बताए ।
नेपहपको श्रीपेचले नेपाली हिपहपमा केही सपना देखेका नयाँ प्रतिभाहरूलाई उचित स्थान दिने काममा निरन्तर योगदान गर्दै आइरहेको छ।
