आज मिती २०८१ साल माघ महिनाको १० गते विहीबार तदनुसार जनवरी महीनाको २३ तारीख सन् २०२५, माघ कृष्ण पक्षको नवमी तिथी, आज बिहान ६ बजेर ५४ मिनेटमा काठमाण्डौ उपत्यकामा झुल्कीएको घाम साँझ ५ बजेर ३७ मिनेटमा अस्ताउने छ ।
मेष राशी: अरूका काममा महत्वपूर्ण समय बित्न सक्ने समय रहेको छ। व्यावसायिक काममा खर्च बढेपनि सेवामूलक कामले प्रतिष्ठा दिलाउला । अवसरको सदुपयोग गर्न विशेष सोचविचार राख्नु हितकर होला । एकपछि अर्को अवसर आउनाले मन प्रशन्न रहने योग रहेको छ ।
बृष राशि: आजको दिन व्यस्तता वृद्धि हुनुका साथै आज आयआर्जन राम्रै हुने समय छ । कतै अतिथिका रूपमा सम्मान प्राप्त हुन सक्छ । उद्योग र व्यापारमा विशेष फाइदा हुनेछ । शत्रु र प्रतिस्पर्धीलाई सजिलै हराउन सकिनेछ । आजको दिन स्वास्थ्यमा चाहिँ विशेष ध्यान दिनु उपयुक्त रहनेछ ।
मीथुन राशि: आज सहयोगीहरूको भरपर्दा सबै काम नबन्न सक्ने सम्भावना रहेपनि आर्थिक लाभ भने हुने नै देखिन्छ । बिनाप्रतिस्पर्धा फाइदा हुने योग छ । गरिँदै आएको काममा थप जाँगर पलाउनुका साथै ब्यापार ब्यवसायमा फाइदा नै हुने समय रहेको छ ।
कर्कट राशि: आज समयमा काम पूरा नहुनाले अवसर गुम्न सक्छ । स्वास्थ्य कमजोर रहनाले काम सम्पादन गर्न सहज नहोला । छरछिमेकमा झैझगडा हुन सक्छ, सावधान रहनुहोला । श्रमको पनि समुचित मूल्यांकन नहुन सक्ने सम्भावना देखिन्छ ।
सिंह राशि: व्यापार-ब्यवसायमा राम्रै फाइदा हुने समय रहेकाले आम्दानी बढ्नेछ भने परिवारजनका आवश्यकता पूरा हुनेछन् । तैपनि काम बिग्रने डरले सताइरहला । बेसुरमा वचन दिनाले दुःख पाइनेछ । मानसम्मानमा पनि ठेस पुग्ने देखिन्छ, सावधान रहनुहोला । सानातिना काममा समय बित्ने दिन रहेको छ ।
कन्या राशि: प्रेम र मित्रताको बन्धन कसिनुका साथै दाम्पत्य सुखमा रमाउने समय छ । सानो प्रयत्नले ठूलो काम सम्पादन हुनेछ । विभिन्न सहयोग र उपहार पाइनुका साथै सजिलै काम बन्नाले उत्साह जाग्ला । परोपकारजन्य क्रियाकलापमा समय बित्ने योग रहेको छ ।
तुला राशी: सामाजिक उत्तरदायित्व वहन गर्ने समय हुनुका साथै रोकिएका काम समेत सम्पादन हुनेछन् । नयाँ काम र जिम्मेवारी हात पार्ने मौका छ । सुखदुःखमा साथ दिनेहरू भेटिनेछन् भने परिवारजनको साथले नयाँ आशा पलाउनेछ । महत्वाकांक्षी योजना गोप्य राख्नु हितकर हुनेछ।
बृश्चिक राशि: आजको दिन सानातिना काममै अल्झनुपर्दा मन खिन्न रहनुका साथै मुख्य काममा बाधा हुने देखिन्छ । भौतिक साधनको खराबीले पनि काममा बाधा दिन सक्ने योग छ । स्वास्थ्य सामान्य कमजोर रहला । आँटेको काम समयमा पूरा नहुन सक्छ । पढाइलेखाइमा त्यत्ति मन नजाने समय रहेको छ ।
धनु राशि: आजका दिन तपाईको भाग्यवृद्धि हुनुका साथै आज खास सहयोगीहरूले राम्रो साथ दिनेछन् । रोकिएका काम बन्ने र नयाँ काम सुरु गर्ने समय छ । एउटै कामबाट दोहोरो लाभ मिल्ला । पठन-पाठनमा प्रगति हुनेछ । शुभ काममा सफलता प्राप्त गर्नुकासाथै धर्मकर्ममा आकर्षण बढ्नेछ ।
मकर राशि: लाभ हुने काम प्रारम्भ गर्ने समय छ । आयआर्जनका स्रोत बढ्नेछन् भने साझेदारीमा राम्रो फाइदा हुनेछ । नसोचेको ठाउबाट धन आर्जन हुने योग छ । अरूका विषयमा चासो नलिनु उपयुक्त रहनुका साथै आजका दिन विवादमा पर्नबाट बच्ने प्रयत्न गर्नु तपाईका लागि हितकर रहनेछ।
कुम्भ राशि: आजको दिन तपाईका लागि त्यत्ति सुखद नरहला । सहयोगको आशा देखाउनेहरूबाटै धोका पाइने सम्भावना छ । परिस्थितिसँग सम्झौता गर्नुपर्दा मन खिन्न रहला । स्वास्थ्यप्रति सतर्क रहनु हितकर हुनेछ । आफ्ना विषयवस्तुमा अरूले अधिकार जमाउन सक्छन् । नगरेका गल्तीको सजाय भोग्नुपर्ने योग रहेकाले सावधान रहनुहोला ।
र, मिन राशि: आजको दिन अरूका लागि बुद्धि र श्रम खर्चनुपर्ने समय रहेको देखिन्छ । आश्वासन बाँड्नेहरूले झुक्याउन सक्छन् । आफ्नो सवारी चलाउँदा विशेष सावधानी अपनाउनु हितकर होला । लेनदेनको विवादले अप्ठ्यारो पर्न सक्छ, सावधान रहनुहोला । चुनौतपूर्ण दिन भएपनि शत्रुमाथि विजय प्राप्त गर्न सफल हुने योग रहेको छ ।
