आज मिती २०८१ साल माघ महिनाको ११ गते शुक्रबार तदनुसार जनवरी महीनाको २४ तारीख सन् २०२५, माघ कृष्ण पक्षको दशमी तिथी एवं अन्तराष्ट्रिय शिक्षा दिवस, आज बिहान ६ बजेर ५३ मिनेटमा काठमाण्डौ उपत्यकामा झुल्कीएको घाम साँझ ५ बजेर ३८ मिनेटमा अस्ताउने छ ।
मेष राशी: धेरै परिश्रमका बाबजुद थोरै लाभ मिल्ने तथा घरखर्च पनि बढ्ने समय रहेको छ। आयआर्जनको कमीले वादविवाद पनि हुन सक्ने योग रहेकोले विवादबाट बच्ने प्रयास गर्नु तपाईको लागि हितकर हुनेछ । धार्मिक कार्यमा आकर्षण बढ्नुका साथै मित्रजनको सहयोग मिल्ने समय रहेको छ ।
बृष राशि: पठन-पाठनमा प्रगति हुनुका साथै रोकिएका काम सम्पादन हुने समय छ । विशेष सभा-समारोहमा सहभागी बन्ने मौका जुट्ला । अवसर आए पनि नयाँ काममा हात हाल्नुअघि राम्ररी विचार पुऱ्याउनुहोला । आश्वासन बाँड्नेहरूले झुक्याउन सक्ने योग रहेपनि आफन्तको साथ मिल्ने योग रहेको छ ।
मीथुन राशि: रचनात्मक कार्य प्रारम्भ गर्ने तथा आम्दानी बढ्ने समय रहेको छ । रमाइलो जमघटका बीच स्वादिष्ट भोजनको आनन्द पाउनुका साथै दाम्पत्य जीवन रमाइलो रहनेछ । ऋण रोग र शत्रुमाथि विजय प्राप्त हुनुका साथै पराक्रमका साथै बौद्धिकता र रचनात्मकता बढ्नेछ तथा यात्रामा सफलता प्राप्त हुने समय रहेको छ ।
कर्कट राशि: आजको दिन केही खर्च बढे पनि दिगो फाइदा हुने काम प्राप्त हुन सक्ने तथा चुनौतीहरू पन्छाउँदै रोकिएका काम बनाउन सकिने समय छ । मेहनतले धेरैको मन लोभ्याउने उपलब्धि हासिल होला । जीवनशैलीमा परिवर्तन आउन सक्छ । शत्रुमाथि विजय प्राप्त हुने योग रहेको छ ।
सिंह राशि: व्यापार व्यवसायमा लगानी बढाउन सकिने समय रहेको छ । पुराना समस्या दोहोरिन सक्छन्, सचेत रहनुहोस् । मुख्य काममा बाधा हुँदा मन खिन्न हुनेछ, तथापि प्रयत्न गर्दा आश मारेको फल प्राप्त हुन सक्छ । परिस्थिति अप्ठ्यारो देखिए पनि केही महत्वपूर्ण काम बन्ने योग रहेको छ।
कन्या राशि: नयाँ कामको प्रस्ताव आउने र विगतको सफलताले थप काम गर्न हौसला मिल्ने समय छ । अभिप्रेरित गर्नेहरू प्रशस्तै भेटिनेछन् । टाढिएका मित्रजन नजिकिनाले हर्ष बढ्ला । तपाईंको कामको धेरैले तारिफ गर्नुका साथै आयआर्जन पनि राम्रै हुनेछ ।
तुला राशी: मान-सम्मान बढ्नुका साथै बोलीको भरमा काम सम्पादन हुने योग छ । विचारले धेरैलाई आकर्षण गर्न सक्नुहोला । आश मारेको काम बन्नाले उत्साह जाग्नेछ । चुनौतीहरू स्वतः हट्ने तथा भाग्यले नचिताएको फाइदा दिलाउन सक्छ । धन, मान र महत्वमा कमी आउनेछैन ।
बृश्चिक राशि: नवीन योजना सिद्धिका लागि अनिच्छित सम्झौता गर्नुपरे पनि अधिकार र प्रतिष्ठा जोगाउन सफल भइनेछ । लामो यात्राको प्रक्रिया अघि बढ्न सक्छ । पढाइलेखाइमा खास समय दिन नसकिने तथा हुलमुलमा धनमाल हराउन सक्छ, सचेत रहनुहोला । कामको चाप र थकाइबाट मुक्त रही विश्राम पाइनेछ ।
धनु राशि: सामर्थ्य बढ्नुका साथै विछोडिएका परिवारजनसँग भेटघाट हुने समय छ । विगतका कमीकमजोरीलाई पनि सुधार गर्ने अवसर प्राप्त होला । समुदायको भलाइ हुने काम सम्पादन गर्न सकिनेछ । विभिन्न अवसर जुटे पनि अरूलाई आश्वासन दिने बानीले भने दुःख पाइनेछ । जिम्मेवारी भने बढिरहनेछन् ।
मकर राशि: नजिकका साथीभाइ टाढिए पनि टाढाका साथीभाइ भेटिनेछन् । तर सानातिना घरेलु काममै अल्झनुपर्दा मन खिन्न रहनेछ । पतिपत्नीबीच पनि घरसल्लाह नमिल्न सक्छ । आजको दिन सवारीसाधनको प्रयोगमा विशेष सावधानी अपनाउनु हितकर होला । लेनदेनको विवादले तपाईलाई अप्ठ्यारो पर्न सक्ने योग रहेको छ।
कुम्भ राशि: आजको दीन राम्रै फाइदाको योग छ । सहयोगीहरूले काममा साथ दिने तथा विगतको श्रमबाट राम्रै धनलाभ हुनेछ । कामले अरूको मन लोभ्याउँदै दाम, इनाम र प्रतिष्ठा कमाउने बेला छ । सहयोगीहरू जुटिदिनाले आँटेका कामहरू सजिलै बन्नेछन् । विशिष्ट व्यक्तित्वहरूसँग मित्रता बढ्ने समय रहेको छ ।
र, मिन राशि: नयाँ काम हात पर्नुका साथै आम्दानीका नयाँ स्रोत फेला पर्नेछन् । गरेका कामबाट राम्रै लाभ हुनेछ । श्रमको उचित मूल्यांकन हुने तथा नयाँ ज्ञान सिक्ने र व्यवसायमा लाभ लिने समय छ । सामाजिक कामको दायित्व बढ्ला । साझेदारीको काम बन्नेछ । समस्याको समाधान मिल्ने समय रहेको छ ।
