काठमाडौं । पूर्व शिक्षामन्त्री एवं राष्ट्रिय स्वतन्त्र पार्टीकी सांसद सुमना श्रेष्ठले एक हप्ताको यात्रामा सुरु गरेकी छिन् । आज बिहानबाट बिरगंज घन्टाघरदेखि सुरु गरेको यात्रा काठमाडौंसम्मको लागि तय भएको छ ।
देशको शिक्षा क्षेत्र तथा निजामती क्षेत्रमा राजनीतिक दल र दलीयकरणले निम्त्याएको चरम व्यथिति, विकृति र विसंगतिहरुलाई उजागर गर्दै स्थानीयहरूसँग गुनासो र सुझाव बटुल्ने उदेश्यका साथ सात दिने यात्रा तय गरिएको सांसद श्रेष्ठको भनाई छ । यात्राका क्रममा बस्ती र बजार भएको क्षेत्रमा पैदल र जङ्गल तथा बस्ती नभएका क्षेत्रमा सवारी साधनमा यात्रा गर्ने बताइएको छ ।
यो यात्रा राष्ट्रिय स्वतन्त्र पार्टीको मात्र अभियान नभई एक सार्वभौम सांसदले व्यक्तिगत पहलबाट गरेको सम्पुर्ण नागरिक र आम जनताको अभियान भएको उनले बताइन । बिरगंजबाट सुरु भएको यात्रा बारा, मकवानपुर, चितवन, धादिङ्गहुँदै काठमाडौसम्म जारी रहनेछ।
