आज मिती २०८१ साल माघ महिनाको १३ गते आइतबार तदनुसार जनवरी महीनाको २६ तारीख सन् २०२५, माघ कृष्ण पक्षको द्वादशी तिथी एवं विश्व कुष्ठरोग तथा अन्तराष्ट्रिय भन्सार दिवस, आज बिहान ६ बजेर ५३ मिनेटमा काठमाण्डौ उपत्यकामा झुल्कीएको घाम साँझ ५ बजेर ३९ मिनेटमा अस्ताउने छ ।
मेष राशी: आजको दिन आकस्मिक आर्थिक लाभ हुने समय रहेपनि स्वास्थ्यमा सामान्य समस्या रहन सक्ने सम्भावना रहेकाले आहारविहारमा विशेष सतर्क रहनु हितकर होला । आँटेका प्रायः सबै काम बन्नेछन् भने मित्रजनको साथ सहयोग पनि पाइनेछ । रोकिएको काम बन्नुका साथै आशा उत्साह बढ्ने योग रहेको छ ।
बृष राशि: आजको दिन तपाईको स्वास्थ्य कमजोर बन्नुका साथै काममा ढिलासुस्ती हुने दिन छ । केही बाध्यात्मक परिस्थितिसँग सम्झौता गर्नुपर्ने तथा समयले साथ नदिने एवं खर्च पनि बढेपनि पारिवारिक समस्याको भने समाधान मिल्ने देखिन्छ ।
मीथुन राशि: विवेकको सही प्रयोग गर्दै चिताएको काममा सफलता पाइने समय छ । परिवारजनका आकांक्षा पूरा गर्न सकिनुका साथै व्यापारिक वा दैनिक कामहरू सन्तोषजनक ढंगले सम्पन्न हुने तथा शत्रुमाथि विजय प्राप्त हुने योग रहेको छ ।
कर्कट राशि: पुराना साथीसँगको भेटघाटले मन रमाउनुका साथै धनलाभ हुने समय रहेको छ । परिवारबाट सुखको अनुभूति मिल्नुका साथै सोचेका काममा सफलता मिल्नेछ भने आजका दिन निकै शुभ समाचार प्राप्त हुनेछ ।
सिंह राशि: हाँसखेल र मनोरञ्जनका क्रममा दिन बित्नुका साथै आज रमणीय र सुखद यात्राको योग पनि रहेको छ । परिवारमा खुशिको माहोल छाउने तथा आयबल र शुभता बढ्नेछ । बौद्धिक रचनात्मक र कलात्मक काममा सफलता मिल्ने योग रहेको छ ।
कन्या राशि: कर्मबल बढ्ने समय भएपनि आजको दिन खर्च बढ्नुका साथै आर्थिक अभाव देखापर्न सक्छ । भौतिक साधनको पनि क्षति हुने योग रहेकोले सावधान रहनुहोला । स्वाास्थ्यपनि सामान्य कमजोर रहेपनि बौद्धिक र रचनात्मक काममा भने सफलता मिल्नेछ ।
तुला राशी: आजको दिन भाग्य वृद्धि हुनुका साथै बन्दैन भनेको काम पनि अथक प्रयासमा बन्ने समय छ । मित्रवर्ग एवम् आफन्तजनको सहयोग प्राप्त हुने तथा आफन्तसँग भेटघाट हुनाले मन प्रफुल्ल रहला । मानप्रतिष्ठा र सामाजिक मर्यादामा अभिवृद्धि हुनेछ । शुभ तथा सुखद यात्राको योग रहेको छ ।
बृश्चिक राशि: आम्दानीको बाटो खुल्ने दिन रहेकाले ब्यापार ब्यवसायमा राम्रै आम्दानी होला । उपलब्धीमूलक रमाइलो यात्राको सम्भावना हुनुका साथै सकारात्मक र व्यवहारिक सोचको विकास हुने समय छ । स्वास्थ्य सवल रहनुका साथै साझेदारीको काम बन्ने योग रहेको छ ।
धनु राशि: नयाँ कामको योजना बनाउँदा फाइदा हुनुका साथै काममा जाँगर आउने तथा धन लाभ हुने समय रहेको छ । सन्तान पक्षबाट सुखको अनुभुति हुनुका साथै ब्यापार-ब्यवसायबाट लाभ मिल्ने देखिन्छ । मनमा खुशी मिल्नुका साथै आफन्तले तपाईको काममा साथ दिने योग रहेको छ ।
मकर राशि: समयमा निर्णय नहुँदा काममा अवरोध आउने र मनमा चिन्ता बढ्ने समय छ । स्वास्थ्यमा अचानक गडबडी आउने सम्भावनाका साथै चोटपटकको भय रहनाले हातहतियारबाट जोगिएर काम गर्नु हितकर होला । छिमेकमा सामान्य विवाद हुन सक्ने योग रहेकाले संयमता अपनाइ व्यवहार गर्नुहोला ।
कुम्भ राशि: आजको दिन नसोचेको क्षेत्रबाट धनमान प्राप्तिको समय छ । नोकरी र राजनीतिमा बर्चस्व बढाउन सकिनुका साथै विशिष्ट व्यक्तित्वहरूसँग मित्रता बढ्ला । अरूलाई प्रभावित पारेर काम बनाउने समय छ । आज कुनै काममा झमेलाको सामना गर्नुपर्ने योग रहेकोले सावधानी अपनाउनु हितकर होला ।
र, मिन राशि: व्यस्तता बढ्ने र पराक्रम बढ्ने समय छ । परिवारजनको साथले नयाँ आशा पलाउनुका साथै दाम्पत्य जीवन सुखद रहनेछ । परोपकार र धार्मिक क्षेत्रमा लगानी गरेमा राम्रो प्रतिफल प्राप्त हुने तथा कृषिकार्यबाट विशेष फाइदा लिन सकिने छ । अधुरा काम बन्ने तथा नयाँ काम पाउने योग रहेको छ ।
