काठमाडौं । संसदको प्रतिपक्ष दल राष्ट्रिय स्वतन्त्र पार्टी (रास्वपा) ले सरकारले ल्याएका अध्यादेश अस्वीकृत गर्न संसदमा प्रस्ताव दर्ता गर्ने निर्णय गरेको छ । रास्वपाको कार्यालय चःमतिमा बुधबार बसेको संसदीय दल बैठकले अध्यादेश अस्वीकार गर्ने निर्णय गरेको हो।
संविधानअनुसार सरकारले ल्याएको अध्यादेश संसदको अधिवेशनको पहिलो बैठकमा पेस गर्नुपर्छ। तर यसरी संसदमा दर्ता हुँदा कुनै पनि प्रस्ताव अस्वीकृत गर्न दलहरूले प्रस्ताव राख्न सक्छन्।
रास्वपा प्रमुख सचेतक सन्तोष परियारले अध्यादेश अस्वीकार गरियोस् भनेर दलले प्रस्ताव दर्ता गर्ने बताएका छन् ।
प्रतिनिधि सभाको बैठक माघ १८ गते शुक्रबार बस्दैछ। सरकारले हालै ६ वटा अध्यादेश ल्याएको थियो।
प्रतिक्रिया दिनुहोस्
