आज मिती २०८१ साल माघ महिनाको १७ गते विहीबार तदनुसार जनवरी महीनाको ३० तारीख सन् २०२५, माघ शुक्ल पक्षको प्रतिपदा तिथी एवं सोनाम ल्होछार पर्व, आज बिहान ६ बजेर ५१ मिनेटमा काठमाण्डौ उपत्यकामा झुल्कीएको घाम साँझ ५ बजेर ४३ मिनेटमा अस्ताउने छ ।
मेष राशी: अस्वस्थताले कमजोरीको अनुभूति हुने सम्भावना रहेकाले नयाँ काम प्रारम्भ गर्न केही समय प्रतीक्षा गर्नुहोला। परिस्थितिअनुसार चल्न नसक्ता अलि दुःख पाइनेछ। परिस्थितिवश पढाइलेखाइमा समय दिन नसकिएला। केही कामको अवसर प्राप्त भए पनि आँटेको काममा बाधा हुन सक्छ। प्रतीक्षित नतिजा उत्साहप्रद नहुन सक्ने समय रहेको छ ।
बृष राशि: परिस्थिति सोचेजस्तो अनुकूल नहुन सक्ने हुनाले नजिकका साथीभाइसँग असमझदारी बढ्नेछ भने काम बिग्रने डरले सताउन सक्छ। समयमा सजग नबन्दा शुभचिन्तकहरू समेत टाढिन सक्छन्। बेसुरमा वचन दिने बानीले समस्या निम्त्याउनेछ। अप्ठ्यारो पर्दा साथ दिनेहरू कमै भेटिने भएपनि अरूलाई प्रभावित पारेर दाम, इनाम र प्रतिष्ठा कमाउने समय रहेको छ।
मीथुन राशि: प्रयत्न गर्दा नँया अवसर जुट्नुका साथै मेहनतको फल प्राप्त हुनेछ। सेवामूलक कामबाट प्रतिष्ठा कमाउने समय भएपनि अरूकाे भरपर्दा काम बिग्रन सक्छ। नयाँ योजना प्रारम्भ गर्न उपयुक्त साइत पर्खनुहोला। बलजफ्तीले केही चुनौती पनि निम्त्याउन सक्ने हुनाले आफ्ना सामानमा अरूले दाबी गर्न सक्छन्। पहिलेका कमजोरी र अप्ठ्यारा परिस्थिति सुल्झाउन केही समय जुट्नुपर्ने समय रहेको छ ।
कर्कट राशि: अवसर प्राप्त भए पनि समयको महत्त्व नबुझ्नाले पछि परिनेछ। अध्ययनमा धेरै समय दिन नसकिने तथा अरूको मुख ताक्ने बानीले पनि काम अधुरो रहनेछ। आफ्ना कमजोरीमाथि टिप्पणी हुने समय भएकाले बोली-व्यवहारमा सजग रहनुपर्ला। व्यवहारमा शुभचिन्तकहरूको भावना बुझ्ने चेष्टा गर्नुहोला। सोखले खर्च बढाउने हुँदा अर्थ अभाव समेत देखापर्न सक्ने समय रहेको छ ।
सिंह राशि: आत्मविश्वासको कमीले पछि पारिनुका साथै अवसर आए पनि नयाँ काम थाल्नुअघि राम्ररी विचार पुर्याउनुहोला। भेटघाटमा अलमलिनाले आँटेका काममा बाधा हुने भएपनि मेहनत गर्दा पछिका लागि फाइदा लिन सकिनेछ। खानपानको शोखले स्वास्थ्य बिग्रन सक्छ। परिवेश उल्लासमय रहे पनि जीवनशैली व्यस्त रहनेछ। बिछोडिएका आफन्तसँग भेटघाट हुनेछ।
कन्या राशि: छिमेकमा असमझदारी बढ्ने हुँदा होसियारीसाथ काम लिनुहोला। फाइदाका लागि केही वस्तु त्याग्नुपर्ला। व्यवसायमा लगानी केही लगानी बढाउनेपर्ने समय छ, बलजफ्तीको व्यवहारले व्यर्थैमा समस्या निम्त्याउन सक्ने भएपनि आवश्यक पर्दा सरसापट वा कर्जामार्फत धन जुट्नेछ। केही खर्च लागे पनि यात्रा गर्ने अवसर प्राप्त हुने भएपनि आफ्ना विषयवस्तुमा अरूले दाबी गर्न सक्छन्।
तुला राशी: पहिलेको कर्मफल तथा उठ्नुपर्ने रकम हातलागी हुनेछ। नयाँ अवसरका साथै आम्दानीका स्रोत फेला पर्नुका साथै श्रमको उचित मूल्यांकन हुनेछ। पढाइमा ध्यान केन्द्रित हुनाले प्रगति हुनुका साथै प्रतीक्षित नतिजाले उत्साह जगाउनेछ। व्यापारमा थोरै लगानीबाट पनि नाफा उठाउन सकिनेछ। प्रयत्न गर्दा छोटो समयमै काम बनाउन सकिने हुनाले नयाँ कामतर्फ अग्रसर भइनेछ।
बृश्चिक राशि: राम्रो कर्मफल प्राप्त हुनाले उत्साह जाग्नुका साथै जीवनशैलीमा परिवर्तन ल्याउन सकिनेछ। विशिष्ट व्यक्तिको सहयोग जुटेपनि समयमै गम्भीर नबन्दा नचिताएको समस्या देखिन सक्छ। आफ्नै कमजोरीले इष्टमित्र टाढिन सक्ने तथा काम रोकिनाले थप अवसरको खोजीमा दौडधुप गर्नुपर्ला। सानो भूल गर्दा मेहनतको फल अरूलाई सुम्पनुपर्ने अवस्था आउन सक्छ।
धनु राशि: परिस्थितिवश चिताएको काम पूरा नहुने तथा सहयोगको नाममा आफ्ना कमजोरीको फाइदा उठाउनेहरू मात्र फेला पर्नेछन्। नयाँ काम प्रारम्भ गर्न केही समय प्रतीक्षा गर्नुहोला। अस्वस्थताका बाबजुद कामको जिम्मेवारी बढ्नेछ। तापनि प्रयत्न गर्दा फाइदाका स्रोत पहिचान गर्न सकिनेछ। अध्यात्मभाव जागृत हुनुका साथै धर्मकर्म र परोपकारी काममा समेत प्रवृत्त भइने समय रहेको छ ।
मकर राशि: परिस्थितिको चक्रमा अलमलिनुपर्दा महत्वपूर्ण काममा समय लाग्नेछ। अस्वस्थता र कमजोरी अनुभूति हुनेछ। चुनौतीपूर्ण कामको जिम्मेवारी वहन गर्नुपर्ने समय रहेकाले अवसरका लागि केही दौडधुप गर्नुपर्ला। आकस्मिक खर्च बढे पनि सहयोग गर्नेहरू समेत भेटिनेछन्। समयमा समस्या दर्साउँदा शुभचिन्तकहरूले साथ दिनेछन्। अर्थअभाव हुन नदिन समयमा सजग रहनुहोला।
कुम्भ राशि: महत्वपूर्ण काममा साथीभाइको सहयोग जुट्नेछ। धन तथा ज्ञानको भण्डार बढ्नेछ भने जीवनशैली आनन्दमय रहनेछ। आजको दिन अतिथिको रूपमा सत्कार पाइने योग छ आम्दानी बढाउने काम सुरु गर्न सकिनुका साथै व्यवसायले रमाइलो यात्रा गराउन सक्छ। प्रियजान सँग भेट हुनुका साथै विशेष उपहार प्राप्त होला। प्रेम र मित्रताको बन्धन कसिने सम्भावना छ।
र, मिन राशि: अधिक परिश्रमले थकान र कमजोरी निम्त्याउन सक्ने तथा तपाईको सरोकार नै नभएका विषयमा चासो राख्नाले दुःख पाइनेछ। आक्षेप लगाउनेहरू सक्रिय हुनेछन् भने सहयोग गर्नेहरू कमै भेटिनेछन्। शुभचिन्तकहरू समेत टाढा हुने समय भएपनि यात्राको प्रक्रियामा बढी खर्च गर्नुपर्ने हुन सक्छ। आफ्नो उपलब्धिमा अरूले दाबी गर्ने सम्भावना रहेकाले गोपनीयतामा ध्यान पुर्याउनुहोला।
