काठमाडौं । साताको पाँचौं कारोबार दिन (बिहीबार) स्थानीय बजारमा सुनको मूल्यमा सामान्य करेक्सन आएको छ ।
लगातार तीन कारोबार दिन घटेको सुनको मूल्य बुधबार उच्च दरले बढेको थियो । तर, बिहीबार भने प्रतितोला १०० रुपैयाँले घटेको नेपाल सुनचाँदी व्यवसायी महासंघले जनाएको छ ।
मूल्य घटेसँगै बिहीबार स्थानीय बजारमा सुनको मूल्य प्रतितोला १ लाख ६० हजार ५ सय रुपैयाँमा किनबेच भइरहेको महासंघले जनाएको छ ।
सुनको मूल्य घटेपनि आज चाँदीको मूल्य भने बढेको छ । महासंघका अनुसार बुधबारको तुलनामा चाँदी आज प्रतितोला ३० रुपैयाँले बढेको छ ।
मूल्य बढेसँगै आज चाँदीको मूल्य प्रतितोला १ हजार ८८५ रुपैयाँ कायम भएको महासंघले जनाएको छ ।
चाँदीको मूल्य बुधबारदेखि नै उकालोमा छ ।
आज अन्तराष्ट्रिय बजारमा सुनको मूल्य प्रतिऔंश २७६० डलरमा किनबेच भइरहेको छ ।
प्रतिक्रिया दिनुहोस्
