काठमाडौं । पोखरामा शनिबार भ्रमण वर्ष उद्घाटन गर्दा बेलुन पड्केर घाइते घाइते भएका उपप्रधानमन्त्री एवं अर्थमन्त्री विष्णु पौडेललाई थप उपचारका लागि काठमाडौं ल्याइएको छ ।
अर्थमन्त्रीका प्रेस संयोजक भुवन केसीका अनुसार गण्डकी मेडिकल कलेजमा प्राथमिक उपचारपछि उनलाई सिम्रिक एयरको हेलिकोप्टरमार्फत काठमाडौं ल्याएर कीर्तिपुरस्थित बर्न अस्पताल लगिएको छ । पौडेलको घाँटी र गालामा आगोले पोलेको छ ।
शनिबार पोखरा महानगरले सुरु गर्न लागेको भ्रमण वर्षको उद्घाटन सत्रमा बेलुन उडाउन खोज्दा आगोको झिल्का उठेको थियो ।
सोही आगोको लप्काबाट अर्थमन्त्री पौडेल र पोखरा महानगरका मेयर धनराज आचार्य घाइते भएका थिए ।
प्रतिक्रिया दिनुहोस्
