आज मिती २०८१ साल फाल्गुण महिनाको १० गते शनिबार तदनुसार फ्रेब्रुअरी महीनाको २२ तारीख सन् २०२५, फाल्गुण कृष्ण पक्षको नवमी तिथी, आज बिहान ६ बजेर ३४ मिनेटमा काठमाण्डौ उपत्यकामा झुल्कीएको घाम साँझ ५ बजेर ५९ मिनेटमा अस्ताउने छ ।
मेष राशी: आजको दिन रोकिएका काम बन्ने र नयाँ काम सुरु गर्ने समय छ । परिश्रम गर्दा अरुको विश्वास पनि जित्न सकिने हुनाले आर्थिक पक्ष सन्तोषजनक रहला । मेहनतले नयाँ जिम्मेवारी दिलाउनेछ । परोपकारमा मन जानुका साथै प्रेममा सफलता मिल्ने योग छ । ऋण, रोग र शत्रुसित लड्ने क्षमता बढ्ने हुनाले आशा उत्साह वृद्धि होला ।
बृष राशि: साहसी कार्यमा सफलता प्राप्त हुने समय रहेकाले विभिन्न अवसरले पछ्याउनेछन् भने बोलीको प्रभाव पनि बढ्ने छ । रमाइलो तरिकाले कामहरु गर्न सम्पन्न हुने तथा पशुधन र जमिनबाट पनि सामान्य लाभ होला । प्रयास गर्दा प्रेममा सफलता पाउने र बोलीको प्रभाव बढ्नुका साथै मानसम्मान समेत पाइनेछ । धनलाभ हुनुका साथै बौद्धिकता र रचनात्मकता बढ्नेछ ।
मीथुन राशि: समय अलिक चुनौतीयुक्त छ । कामको बोझले थाकेको महसुस हुने तथा घर–गृहस्थीमा भने समस्या आउन सक्छ । गलत विचार बढ्ने र समयमा निर्णय नहुँदा काममा अवरोध आउने, खर्च बढ्ने, झमेलामा परिने र छिमेकीसँग विवाद बढ्ने सम्भावना छ, विशेष सावधानी अपनाउनु हितकर हुनेछ । शुभ काममा आकर्षण रहला ।
कर्कट राशि: व्यापारमा सफलताले मन रमाउने समय रहेकाले व्यस्तता बढ्नुका साथै धन कमाउने अवसर मिल्ला । मनमा दुविधा रहे पनि सामाजिक काममा नाम रहने छ । धार्मिक सामाजिक कामको दायित्व थपिएपनि आँटेको काम पुरा भइ धनको लाभ हुन सक्छ । मान–सम्मान मिले पनि मनमा डर रहने छ । आफ्नै बल विवेकले काम सम्पन्न हुनेछ ।
सिंह राशि: पराक्रम वृद्धि र आरोग्यबल बढ्ने हुनाले आजको दिन सुखमय ढंगले बित्ने देखिन्छ । सिर्जनशील कार्यमा प्रगति हुनाका साथै काम बन्नाले मन रमाउला । गुरुजनको सहयोग र बुद्धिको उपयोगले लक्ष्य पहिल्याउन सकिनेछ । ठूला व्यक्तिको आशा र भरोसा पनि तपाईंप्रति रहनेछ । कृषि क्षेत्रबाट राम्रो लाभ मिल्ने योग रहेकाले विजयश्री प्राप्त हुनेछ ।
कन्या राशि: सोच्दै नसोचेको स्थानबाट लाभ हुने समय रहेकाले उद्योग र व्यापारमा विशेष फाइदा होला । नयाँ मित्रको आगमनले मन प्रशन्न हुनाका साथै सहयोगी र सेवक वर्गबाट सहायता मिल्नेछ । समय मनोरञ्जनपूर्ण रहनाले हासविलास, खेलकुद, भ्रमणमा आकर्षण बढ्नेछ । मनोकूलको काममा सफलता मिल्नुका साथै नोकरीमा उच्चाधिकारीको साथ मिल्नेछ ।
तुला राशी: आजको दिन केही चुनौतीयुक्त छ, खासगरी खर्च गर्दा सजगता अपनाउनुहोला । स्वास्थ्यका लागि खानपानमा पनि सचेत रहनु हितकर हुनेछ । कठोर परिश्रमले लक्ष्य पुरा गर्न सकिने भएपनि जागिर र राजनीतिमा केही अप्ठ्याराको सामना गर्नुपर्ने योग छ । पारिवारिक समस्याले पिरोलेता पनि बिस्तारै समाधानतिर उन्मुख हुनेछ ।
बृश्चिक राशि: काममा सहयोगीहरूले राम्रो साथ दिनुका साथै नयाँ काम मिल्ने योग छ । सहासिक र कठिन काममा सक्रियता बढ्नेछ भने पुराना साथिसंगीसंग भेटघाटको अवसर जुर्ला । रमाइलो तरिकाले कामहरु गर्न पाइनेछ । पाहुना आगमनले पनि खुशी दिलाउने हुनुका साथै महत्वपूर्ण काममा समयले साथ दिनेछ ।
धनु राशि: आँटेगरेका काम पुरा भइ धनको लाभ हुन सक्छ । महत्वाकांक्षी योजना गोप्य राखेर अघि बढ्दा फाइदा होला । विभिन्न भौतिक साधन जुटुनुका साथै व्यावसायमा राम्रो फाइदा उठाउन सकिनेछ । आयआर्जनमा राम्रो दिन भएपनि केहि नयाँ काम गर्नको लागि मित्रजन एवम् परिवारजनको राम्रो सल्लाह आउने देखिन्छ । यात्रामा सफलता हातपर्नेछ ।
मकर राशि: कर्मबल बढेपनि आजको दिन अप्ठ्यारा परिस्थितिसँग सम्झौता गर्नुपर्दा मन खिन्न रहन सक्छ । ब्यापारमा गरेका प्रयासहरु सकारात्मक रहनेछन् । महत्वपूर्ण काममा फाइदाको योग रहेपनि घरेलु समस्याले भने सामान्यरूपले सताउन सक्छ । बौद्धिक कार्यबाट धनलाभ हुनाका साथै आफन्तजनको सहयोग प्राप्त होला ।
कुम्भ राशि: अरूको भर पर्दा काममा धोका हुने सम्भावना रहनुका साथै आजको दिन स्वास्थ्य पनि बिग्रन सक्छ, सचेत रहनुहोला । समय त्यति राम्रो छैन, गलत विचार बढने छ, समयमा सहि निर्णय गन सकिँदैन । जोखिम बढ्नेछ । एकातिर सुखसुविधा र विलासितातर्फ मन जाने र अर्कोतिर मानसिक तनावले नकारात्मक सोच पैदा गर्न सक्छ । धैर्य राखेर कदम चाल्नु हितकर हुनेछ । इष्टमित्रको साथ मिल्नेछ ।
र, मिन राशि: आजको दिन दौडधुप बढेपनि बन्न लागेको काम बिग्रन सक्छ । घरेलु समस्याले सताउने हुँदा काममा अवरोध आउन सक्छ । दुर्गमस्थान र टाढाको यात्रा सम्भावना छ । आर्थिक उन्नति गर्ने अवसर प्राप्त हुने योग हुनाका साथै शत्रुपक्षमाथि विजय प्राप्त हुनेछ । प्रेमभाव बढ्नेछ ।
