काठमाडौं । प्रधानमन्त्री केपी शर्मा ओलीले मन्त्रिपरिषद् बैठक बोलाएका छन्। बैठक आज साँझ ५ बजे प्रधानमन्त्री निवास, बालुवाटारमा बस्ने प्रधानमन्त्रीको सचिवालयले जनाएको छ।
ऊर्जामन्त्री दीपक खड्काले नेपाल विद्युत प्राधिकरणका कार्यकारी निर्देशक कुलमान घिसिङलाई हटाउने प्रयास गरिरहेका छन्। प्रमुख प्रतिपक्षी दल नेकपा माओवादी केन्द्रका केही सांसदले संसदमा त्यसको प्रतिकार गरेका छन् ।
आजको मन्त्रिपरिषद् बैठकमा पनि यस विषयमा छलफल हुन सक्ने मन्त्रालयका अधिकारीहरूले बताएका छन्।
सञ्चारकर्मीहरूले केही दिनअघि सरकारका प्रवक्ता एवं सञ्चार मन्त्री पृथ्वी सुब्बा गुरुङलाई सोध्दा उनले ‘ऊर्जामन्त्रीलाई नै थाहा होला’ भनेर संसद भवनबाहिर प्रतिक्रिया दिएका थिए।
प्रतिक्रिया दिनुहोस्
