आज मिती २०८१ साल फाल्गुण महिनाको १३ गते मंगलबार तदनुसार फ्रेब्रुअरी महीनाको २५ तारीख सन् २०२५, फाल्गुण कृष्ण पक्षको द्वादशी तिथी, आज बिहान ६ बजेर ३१ मिनेटमा काठमाण्डौ उपत्यकामा झुल्कीएको घाम साँझ ६ बजेर एक मिनेटमा अस्ताउने छ ।
मेष राशी: आजको दिन सजिलै अरुको मन जित्न सकिने, आम्दानी बढ्ने र उठ्नुपर्ने रकम हातलागी हुने समय छ । कृषि तथा पशुधनबाट लाभ लिन सकिने योग रहेपनि काममा रुचि घट्ने तथा खराब विचारले मनमा डेरा जमाउन सक्छ, सचेत रहनुहोला । जोखिम र दौडधुप वृद्धि हुनाका साथै चोटपटक लाग्नबाट बच्न आजको दिन विशेष ध्यान दिनुहोला ।
बृष राशि: तपाईंका कामको उच्च मूल्याङ्कन हुने समय रहेकाले बोलीको कदर हुनुका साथै कुनै विशेष खुशीको समाचार सुन्न पाइएला । काम गर्ने वातावरण मिल्नुका साथै दीनदुःखीलाई दिएको सहयोगले रोकिएको काम बन्न सक्छ । धन लगानी गर्ने अवसर जुर्ने योग रहनुका साथै आरोग्यता बढ्नुका साथै बौद्धिक र रचनात्मक काममा सफलता मिल्ला ।
मीथुन राशि: पुराना इष्टमित्र र प्रेमीप्रेमिकाको मिलन हुने समय रहेकाले उद्योग-व्यापारमा पनि विशेष फाइदा प्राप्त होला । सहयोगीहरूले राम्रै साथ दिनेछन् भने काममा सोचेजस्तै सफलता मिल्नेछ । बिग्रिएका काम फेरि सुधारको दिशामा जानुका साथै सामर्थ्य र आरोग्यता बढ्नेछ । पराक्रम बढ्नुका साथै शत्रुमाथि विजय प्राप्त होला ।
कर्कट राशि: समयको धार अलिक विपरीत दिशामा चलेको हुँदा सकारात्मक बोलीको पनि विपरीत अर्थ लाग्ने हुनाले बोली र व्यवहारलाई नियन्त्रणमा राख्नुहोला । व्यापार-व्यवसायमा हानी व्यहोर्नुपर्ला । कर्मचारी हुनुहुन्छ भने अपजस व्यहोर्नुपर्ने योग रहेकोले सचेत र संयम रहनु उचित हुनेछ । विश्वास गरेका व्यक्तिबाट नै विश्वासघात हुने सम्भावना रहेकोले सावधान रहनुहोला ।
सिंह राशि: आजको दिन व्यस्तता बढ्नुका साथै सभा-सम्मेलनमा सहभागिता जनाउने योग रहेपनि आजको दिन पारिवारिक समस्याले मन खिन्न रहला । विश्वास गरेका व्यक्तिबाट नै विश्वासघात हुने सम्भावना छ । अध्ययन, अध्यापन र लेखनमा खास रुचि रहने छैन । चोटपटकको भय पनि छ । मातापिताको स्वास्थ्यसम्बन्धी चिन्ता बढ्नुका साथै बौद्धिक, रचनात्मक र कलात्मक काममा सफलता मिल्नेछ ।
कन्या राशि: पराक्रम र अनुकुलता वृद्धि हुनाले नसोचेका कामहरु बन्ने र पठनपाठनमा प्रगति हुने समय छ । आत्मविश्वास बढ्नुका साथै शीघ्र निर्णय गर्ने क्षमता अभिवृद्धि हुनेछ । धन आर्जन गर्ने मौका जुर्नुका साथै कर्मप्राप्तिको योग छ । साथीभाइको सहयोग प्राप्त हुनाका साथै मान महत्व बढ्ने योग रहेको छ ।
तुला राशी: आजको दिन मान महत्व बढ्ने र आरोग्यबल वृद्धि हुने समय रहनुका साथै व्यावसायिक यात्राको सम्भावना छ । दाजुभाइको प्रगतिको समाचार सुन्न पाइने तथा पारिवारिक जीवन सामान्य र सन्तोषप्रद रहने छ । व्यवसायबाट प्रशस्त फाइदा उठाउने योग रहेकाले प्रतिस्पर्धीहरूले हार खान सक्छन् । विलासी काममा आकर्षण बढ्ला ।
बृश्चिक राशि: आजको समय अलिक चुनौतीयुक्त छ । सानातिना काम तथा घरेलु समस्यामा नै समय व्यतीत हुने देखिन्छ । काममा बाधाअडचन आउन सक्छ । वादविवादमा फस्ने र प्रतिफल प्राप्त नहुने क्षेत्रमा लगानीको सम्भावना रहेकोले विशेष सचेत रहनुहोला । बौद्धिक र सृजनात्मक कार्यमा भने सफलता मिल्नाले स्वास्थ्यप्रति पनि अलिक ध्यान बढाउनु हितकर होला ।
धनु राशि: सामाजिक उत्तरदायित्व बहन गर्ने समय रहेकाले परोपकार र धार्मिक क्षेत्रमा मन जाला । दाम्पत्य जीवन सुखद तथा समृद्ध बन्ने योग रहेकाले आम्दानी बढ्नेछ । पारिवारिक सुख मिल्नुका साथै अध्ययन–अध्यापनको क्षेत्रमा प्रगतिको खबर सुन्न पाउनुहुनेछ । खेलकुद भ्रमणमा आकर्षण बढ्नुका साथै बौद्धिक र रचनात्मक कार्य बन्नेछ ।
मकर राशि: विशिष्ट व्यक्तिको विचारले प्रभावित तुल्याउन सक्ने समय रहेकाले महत्वपूर्ण काममा मातापिताको सहयोग प्राप्त होला । व्यापारमा लाभ हुनाका साथै समाजमा प्रतिभाको कदर हुनेछ । धर्मकर्ममा रुचि बढ्नुका साथै खेलकुद तथा कलाकारिता क्षेत्रमा रहनेहरुको लागि समय उत्साहप्रद देखिन्छ । आय तथा कर्मबल बढ्नुका साथै नियमकानूनले साथ दिनेछ ।
कुम्भ राशि: कर्मबल वृद्धि भएपनि मान्यजन वा अभिभावकवर्ग असन्तुष्ट रहन सक्ने समय रहेकाले जग्गाजमिन वा घरायसी सम्पत्तिको चिन्ताले सताउन सक्छ । समाजमा कुरा काट्नेको कमी हुने छैन । तथापि, सन्तान वा अनुयायीका माध्यमबाट फाइदा उठाउन सकिनेछ । आकस्मिक यात्राको सम्भावना रहेकाले आर्थिक विकाससित सम्बन्धित कार्यमा सफलता मिल्नेछ ।
र, मिन राशि: आफन्तको साथ कमै मिल्ने दिन रहनुका साथै अप्रिय समाचारले मन खिन्न तुल्याउला । मानसिक तनावको सिर्जना हुनाले आकस्मिक रूपमा स्वास्थ्यमा समस्या आउन सक्छ । खर्च बढ्नुको साथै शरीरमा आलस्यता बढ्नेछ । विश्वास गरेकाबाट धोका हुन सक्ने भएपनि साझेदारीको काम बन्ने समय रहेको छ ।
