काठमाडौं । साताको पाँचौं कारोबार दिन (बिहीबार) पनि सुनको मूल्य घटेको छ । मंगलबारको तुलनामा बुधबार प्रतितोला ८ सय रुपैयाँले घटेको सुनको मूल्य बिहीबार प्रतितोला २ सय रुपैयाँले घटेको हो ।
नेपाल सुनचाँदी व्यवसायी महासंघले जनाएअनुसार बिहीबार सुनको मूल्य प्रतितोला १ लाख ७० हजार ३ सय रुपैयाँ कायम भएको छ ।
यसअघि मंगलबार सुनको मूल्य प्रतितोला १ लाख ७१ हजार ३ सय रुपैयाँ पुगेको थियो । जुन हालसम्मकै उच्च मूल्य हो ।
यद्यपि, बुधबार र बिहीबार भने मूल्यमा केही गिरावट आएको छ ।
सुनको मूल्य घट्दै गर्दा बिहीबार चाँदीको मूल्य भने बढेको छ । बुधबारको तुलनामा प्रतितोला ५ रुपैयाँले चाँदीको मूल्य बढेको हो ।
बिहीबार स्थानीय बजारमा चाँदीको मूल्य प्रतितोला १ हजार ९४५ रुपैयाँ कायम भएको महासंघले जनाएको छ ।
आज अन्तराष्ट्रिय बजारमा भने सुनको मूल्य प्रतिऔंश २८९५.४१ डलरमा किनबेच भइरहेको छ ।
