आज मिती २०८१ साल फाल्गुण महिनाको २८ गते बुधबार तदनुसार मार्च महीनाको १२ तारीख सन् २०२५, फाल्गुण शुक्ल पक्षको त्रयोदशी तिथी, आज बिहान ६ बजेर १६ मिनेटमा काठमाण्डौ उपत्यकामा झुल्कीएको घाम साँझ ६ बजेर १० मिनेटमा अस्ताउने छ ।
मेष राशी: आजको दिन शुभता बढ्नुका साथै सोचेका काममा सफलता पनि मिल्ने समय छ । आकस्मिक धनलाभ हुनाले दिन खुशीसाथ बित्नुका साथै परिवारमा पनि सुखको माहोल बन्नेछ । सुखदुःखमा साथ दिनेहरू भेटिने तथा कामको चापबाट विश्राम मिल्ने तथा यात्रामा सफलता प्राप्त हुनेछ ।
बृष राशि: आजको दिन निकै रमाइलो रहनाले परिवारमा खुशिको माहोल छाउनुका साथै नयाँ ठाउँको यात्राको योग छ । पुराना साथीसँगको भेटघाटले मन हर्षित हुनाले हाँसखेल, भ्रमण र मनोरञ्जनका क्रममा दिन बित्नेछ । टाढाको यात्राबाट केही धन पनि आर्जन हुन सक्ने तथा कर्मबल बढ्नुका साथै बौद्धिक र रचनात्मक काममा सफलता मिल्नेछ ।
मीथुन राशि: स्वास्थ्यसम्बन्धी समस्या निम्तन सक्ने समय रहेको हुनाले खानपान तथा आचरणमा विशेष सावधानी अपनाउनुहोला । दैनिक प्रयोगको सामानले पनि धोका दिन सक्ने तथा खिन्नत बढाउने समााचार प्राप्त हुन सक्छ । तथापि, समस्याको समाधान प्राप्त हुनेछ भने शत्रुमाथि विजय प्राप्त हुने समय देखिन्छ।
कर्कट राशि: अर्काको काममा खटेपनि जश भने कमै मिल्ने खालको समय छ । सामाजिक मर्यादा अभिवृद्धि हुनुका साथै छर–छिमेकमा केही असमझदारी बढ्ने योग भएपनि खास हानी नपुग्ला । जोखिमका साथै दौडधुप वृद्धि हुने तथा मनोरन्जनात्मक काममा आकर्षण रहने योग रहेको छ।
सिंह राशि: धार्मिक तथा परोपकारजन्य क्रियाकलापबाट प्रतिष्ठा पाइने समय हुनुका साथै नयाँ काममा हात हाल्दा दीर्घकालिन लाभ मिल्ने तथा आरोग्यता र प्रेमभाव बढ्ला । यात्राको योग रहनुका साथै मित्रजनबाट सुख मिल्ने तथा रचनात्मक र कलात्मक काममा सफलता प्राप्त हुने समय रहेको देखिन्छ ।
कन्या राशि: आरोग्यता बढ्नुका साथै बौद्धिक कार्यबाट थोरै भए पनि लाभ हुने समय छ । आजको दिन काममा जाँगर लाग्नुका साथै मनमा खुशी मिल्नेछ भने आफन्तजनले पनि साथ दिने छन् । तथापि, व्यावसायिक काम बीचमा अवरुद्ध बन्न सक्ने समय रहेपनि समस्याको समाधान प्राप्त हुने समय रहेको छ ।
तुला राशी: आजको दिन ठूला व्यक्ति एवम् मित्रजनबाटै आलोचना हुने तथा बादविवाद हुने योग भएकोले सन्तुलित बोली र व्यवहारमा जोड दिनुहोला । चोटपटक लाग्ने सम्भावनालाई टार्न आज हातहतियारबाट जोगिने विशेष प्रयत्न गर्नु हितकर हुनेछ । आजका लागि योजना र बजेट बनाई काम गर्नु हितकर हुनेछ ।
बृश्चिक राशि: व्यस्तता वृद्धि हुनुका साथै राजनीतिमा आफ्नो बर्चस्व बढाउन सकिने समय भएपनि काममा झमेलाको सामना गर्नुपर्ने योग छ । जागिरमा पनि केही अल्छीपन छाउने सम्भावना रहेकाले हानी नै नगरे पनि काममा बाधा दिनेहुनाले खासै प्रगति नभएपनि यसका बाबजुद धन आर्जन हुने समय रहेको देखिन्छ।
धनु राशि: आजको दिन तपाईले सोचेका महत्वपूर्ण काम पूरा हुने तथा पराक्रम बढ्नुको साथै अधुरा काम बन्ने तथा नयाँ काम पाउने योग छ । सामाजिक उत्तरदायित्व हासिल हुनाले दिन उत्साहजनक रहनुका साथै पराक्रम बढ्नेछ । आकस्मिक धन लाभ हुनाले तपाईको मन प्रफुल्लित रहनुका साथै दिर्घकालिन कामको जग बसाउने मौका रहेको छ।
मकर राशि: आर्थिक लाभ हुने दिन रहेकाले आम्दानिको नयाँ श्रोत फेला पर्ने तथा प्रतिष्ठित र ठूला व्यक्तिको विश्वास जित्न सकिने समय छ । बौद्धिक क्षमतामा प्रस्फुटन हुनाले सृजनात्मक काममा सफलता पाइने छ तथा आरोग्यबल बढ्नेछ । शत्रुलाई जित्ने सामर्थ्य बढ्नाले तपाईका लागि आजको दिन निकै महत्वपूर्ण रहेको छ।
कुम्भ राशि: आजको दिन भाग्यले त्यत्ति साथ नदिने हुनाले विवाद बढ्ने, सामाजिक मर्यादामा बादल लाग्ने, काममा अवरोध आउने र मनमा चिन्ता बढ्ने योग छ । धनको नाश पनि हुने समय रहेकाले घरायसी चिन्ताले सताउन सक्छ । बौद्धिक र रचनात्मक कार्य भने बन्नुका साथै आजको यात्रा कठिन भए पनि सफलता प्राप्त होला ।
र, मिन राशि: महत्वपूर्ण कार्यमा नजिकको नातेदारको समर्थन पाउने दिन रहेकाले व्यापारिक वा दैनिक कामहरू सन्तोषजनक ढंगले सम्पन्न हुनेछन् भने आम्दानी बढ्ने र उठ्नुपर्ने रकम हातलागी होला । लेखन तथा प्रकाशनसित सम्बन्धित काममा सफलता मिल्नुका साथै साझेदारीको काम बन्ने समय रहेको देखिन्छ।
