काठमाडाैं । स्थानीय बजार साताकाे चाैथाे काराेबार दिन (बुधबार) सुन–चाँदीको मूल्य बढेको छ।
मंगलबार प्रतितोला पाँच सय रूपैयाँ घटेको सुनको भाउ यसदिन प्रतितोला ६ सय रूपैयाँ बढेको नेपाल सुनचाँदी व्यवसायी महासंघले जनाएकाे छ ।
महासंघले जनाएअनुसार आज सुन प्रतितोला १ लाख ७० हजार ५ सय रूपैयाँ पुगेकाे छ । यसअघि मंगलबार सुन प्रतितोला १ लाख ६९ हजार ९ सय रूपैयाँमा कारोबार भएको थियो।
सुनकाे मूल्य बढ्दा बुधबार चाँदीको मूल्य पनि बढेको छ। मंगलबारकाे तुलनामा प्रतिताेला ३० रूपैयाँले बढ्दै चाँदी प्रतिताेला २ हजार रूपैयाँ कायम भएकाे महासंघले जनाएकाे छ ।
यसअघि मंगलबार चाँदी प्रतितोला १ हजार ९ सय ७० रूपैयाँमा कारोबार भएको थियो।
प्रतिक्रिया दिनुहोस्
