अमेरिका अहिले आर्थिक मन्दीको अवस्थामा छ, जसका कारण त्यहाँका विभिन्न उद्योगहरू र व्यवसायहरू प्रभावित भएका छन् । यस मन्दीले नेपाली प्रवासी व्यापारीहरूलाई पनि ठुलो चुनौतीको सामना गर्न परिरहेको छ । अमेरिकी अर्थतन्त्रको मन्दीको प्रमुख कारणहरूमा उच्च महँगी, ब्याजदरको वृद्धि र आपूर्ति श्रृंखलामा आएको समस्या प्रमुख छन् । विभिन्न समस्याहरूले गर्दा अमेरिकी बजारमा बिक्री घटेको छ, जसको असर नेपाली प्रवासी व्यापारीहरूको व्यवसायमा पनि त्यसको मार परिरहेको छ ।
अमेरिकी सरकारको मन्दीको नियन्त्रणका लागि ब्याजदरमा वृद्धि गरेको छ । यसले व्यापार गर्न चाहने नेपाली व्यापारीहरूलाई उच्च ऋण लागतको सामना गराइरहेको छ । यो कारणले पनि उनीहरूको व्यवसाय विस्तार र नयाँ लगानीमा अवरोध पुर्याएको अवस्था छ । प्रवासी नेपाली व्यापारीहरू, जसले अमेरिकामा साना व्यवसाय सञ्चालन गरिरहेका छन्, उनीहरूलाई यस मन्दीले थप कठिनाइमा पुर्याइरहेको छ ।
अर्थतन्त्रको मन्दीले मानिसहरूको खर्च घटाउँछ, जसका कारण व्यवसायहरूलाई कम बिक्रीको सामना गर्नुपर्छ । नेपाली प्रवासी व्यापारीहरू, जो अमेरिकामा विभिन्न सामान र सेवाहरूको आपूर्ति गर्छन्, उनीहरू पनि यस मन्दीको असरबाट बच्न सकिरहेका छैनन् । मानिसहरू अनावश्यक खर्चमा कटौती गर्दै छन् र महँगा सामान किन्ने प्रवृत्ति घटेको छ । यसको प्रभावले प्रवासी व्यापारीहरूको बिक्रीमा गिरावट ल्याएको छ ।
मन्दीको कारण आपूर्ति श्रृंखलामा पनि समस्या देखा परेको छ । मालको आपूर्ति र यातायात शुल्कमा वृद्धि भएको छ, जसले व्यापारीहरूको लागत बढाएको छ । प्रवासी नेपाली व्यापारीहरूलाई थप चुनौतीहरू सामना गर्नुपरेको छ, विशेष गरेर जब सामानको आपूर्ति र यातायातको खर्चमा वृद्धि भएको छ । यसले उनीहरूको मुनाफामा प्रतिकूल असर पुर्याएको छ ।
अमेरिकामा आर्थिक मन्दीको कारण अमेरिकी डलरको मूल्यमा उतारचढाव आएको छ, जसले नेपाली व्यापारीलाई विदेशी मुद्रा व्यापारमा असर पुर्याएको छ । जब डलरको मूल्य घट्छ, तब नेपाली प्रवासी व्यापारीलाई आफ्नो उत्पादन र आपूर्ति लागतको हिसाबमा समस्या आउन सक्छ । यसको अतिरिक्त, नेपाली रुपियाँको मूल्यमा परिवर्तनले पनि व्यापारमा अनिश्चितता ल्याइरहेको हुन्छ ।
अर्थतन्त्रमा मन्दीको समयमा व्यापारको प्रवृत्ति परिवर्तनशील हुन सक्छ । नेपाली प्रवासी व्यापारीहरूले यो अवस्थालाई एक अवसरको रूपमा लिन सक्छन् । यसका लागि उनीहरूले आफ्नो उत्पादन र बिक्रीलाई अनलाइन प्लेटफर्ममा विस्तार गर्न लागिरहेका छन्, लागत कटौतीको उपायहरू नअपनाई अब उपाय नै छैन । र, विभिन्न वित्तीय उपकरणहरूको प्रयोग गरेर आफ्नो व्यवसायलाई मजबुत बनाउनेतर्फ सोचिरहेको अवस्था छ ।
प्रवासी नेपाली व्यापारीहरूले नेपाली सामाग्री र सेवाहरूलाई अमेरिकामा बिक्री गर्ने मौका पनि पाउन सक्छन्, यदि उनीहरूले यस मन्दीको समयलाई सही तरिकाले उपयोग गर्न सके भने अमेरिकामा आर्थिक मन्दीको अवस्था सँगै, नेपाली प्रवासी व्यापारीहरूको व्यावसायिक दृष्टिकोण र रणनीतिमा सुधार ल्याउनुपर्ने समय आएको छ । यो चुनौतीको सामना गर्दा, नवीनतम् प्रवृत्तिहरू र व्यवस्थापनका नयाँ उपायहरू अपनाउँदा मात्रै उनीहरूले बजारमा प्रतिस्पर्धा गर्न सक्छन् र आफ्नो व्यवसायलाई अझ मजबुत बनाउन सक्छन् ।
