डोनाल्ड ट्रम्पका शीर्ष दूत स्टीव विटकफले अमेरिकी राष्ट्रपति डोनाल्ड ट्रम्प र रुसी राष्ट्रपति भ्लादिमिर पुटिनबीचको गहिरो मित्रताको दुर्लभ कथा सार्वजनिक गरेका छन् । स्टिभ विटकफले पूर्व फक्स न्यूज होस्ट टकर कार्लसनको पोडकास्टमा पुटिन र ट्रम्प बीचको अद्वितीय मित्रताको उल्लेख गरे।
उनले ट्रम्पमाथि आक्रमण हुँदा पुटिन आफ्नो स्थानीय चर्चमा गएर उनको लागि प्रार्थना गरेको बताएका छन् ।
“जब राष्ट्रपति ट्रम्पलाई गोली हानियो, पुटिनले आफ्ना पादरीसँग भेट गरे र ट्रम्पको लागि प्रार्थना गरे। उनी आफ्नो साथीको लागि प्रार्थना गरिरहेका थिए,” विटकफले भनेका छन् ।
यो घटना पेन्सिलभेनियामा थोमस म्याथ्यू क्रुक्सले चलाएको गोलीले ट्रम्पलाई लागेपछिकाे हाे । यस क्रममा क्रेमलिनका प्रवक्ताले ट्रम्पका विपक्षीहरूले आक्रमणको याेजना बनाएकाे आरोप लगाएका थिए।
विटकफले ट्रम्पलाई यो घटना सुनाउँदा उनी भावुक भएको बताए । यो घटनाले दुई नेताबीचको सुमधुर सम्बन्धलाई थप गहिरो बनाएको छ ।
“This is the kind of connection that we have been able to reestablish through a simple word called communication, which many people would say I shouldn’t have had because Putin is a bad guy. I don’t regard Putin as a bad guy. That is a complicated situation, that war… You know,… pic.twitter.com/KRcFmWl0dl
— Anton Gerashchenko (@Gerashchenko_en) March 22, 2025
यसका साथै पुटिनले ट्रम्पलाई रुसी कलाकारले बनाएको विशेष तस्विर पनि उपहार दिएका थिए । ट्रम्पले पुटिनको धेरै पटक प्रशंसा गर्दै उनलाई “प्रतिभाशाली” र “बलियो नेता” भनेका छन्।
हालै दुई नेताबीच युक्रेन द्वन्द्व अन्त्य गर्ने प्रयासबारे छलफल भएको थियो । उनीहरूले यस विषयमा दुई घण्टा वार्ता गरे, जसलाई ट्रम्पले “धेरै राम्रो र फलदायी” भनेर वर्णन गरे।
युक्रेनमा रुसको आक्रमणको बेलामा दुई नेताको सम्बन्ध गहन छानबिनमा परेको थियो र उनीहरूको मित्रताले राजनीतिक र कूटनीतिक दृष्टिकोणबाट नयाँ बहस सुरु गरेको छ। एजेन्सीबाट
