क्यालिफोर्निया । डिप्रेसन एक मानसिक स्वास्थ्य अवस्था हो जसमा व्यक्ति मानसिक र शारीरिक रूपमा थाकेको र निराश भएको महसुस गर्छ। यसले उसको दैनिक जीवनमा समेत असर पारिरहेको हुन्छ। डिप्रेसनको असरले व्यक्ति आफ्नो सामान्य कार्यहरू गर्न समेत कठिनाइ महसुस गर्छ, जस्तै काम गर्न, पढ्न, सामाजिक सम्बन्ध कायम राख्न, वा जीवनका सामान्य खुसीहरू अनुभव व्यक्त गर्न एक आपसमा साट्न आदि ।
डिप्रेसनको अवस्थामा परिवारको भूमिका अत्यन्त महत्त्वपूर्ण हुन्छ। पारिवारिक समर्थन र सहयोगले मात्र व्यक्ति डिप्रेसनको चक्रबाट बाहिर निस्कन सक्छ। यसमा औषधि र डाक्टरको परामर्शले मात्रै काम गर्दैन । परिवारको माया र हौसलाले गर्दा डिप्रेसनबाट पीडित व्यक्तिलाई मानसिक शान्ति र सान्त्वना मिल्छ । परिवारका सदस्यहरूको हौसला र साथले व्यक्ति आफूलाई एक्लो र असहायपनबाट मुक्त भएको महसुस गर्न थाल्छ।
डिप्रेसनको अवस्थामा, जहाँ मानिसले आफैलाई नकारात्मक र निराशा देख्न थाल्छ, परिवारको उ प्रतिको सकारात्मक सोच, साथ , समर्थ र प्रोत्साहनले मात्रै बिरामीलाई लाई हिम्मत दिन्छ।
डिप्रेसन केवल मानसिक समस्या मात्र होइन, यसका शारीरिक लक्षणहरू पनि हुन्छन् जसले व्यक्तिलाई थाकेको, निराश र कमजोर बनाउन सक्छ। यस्तो अवस्थामा परिवारको धैर्य र समझ महत्त्वपूर्ण हुन्छ। परिवारका सदस्यहरूले सम्झनुपर्छ कि डिप्रेसन एक दीर्घकालीन प्रक्रिया हो र उपचारका लागि समय र समर्थन चाहिन्छ।
परिवारका सदस्यहरूले मानसिक स्वास्थ्यको महत्त्व बुझेर बिरामीको उपचारको लागि प्रेरित गर्न सक्छन्। चिकित्सकसँग भेट गर्न, औषधि लिन, वा थेरापीमा जानको लागि परिवारको समर्थन आवश्यक पर्छ। साथै, परिवारले मानसिक स्वास्थ्यका बारेमा बुझेर गलत धारणाहरू हटाउन र उपचार प्रक्रियामा सहयोग पुर्याउन सक्छ।
परिवारले एक सहयोगात्मक र सुरक्षित वातावरण बनाउन सकेमा बिरामीले आफ्नो भावनाहरू खुला रूपमा व्यक्त गर्न सक्षम हुन्छ। पारिवारिक अवस्था र वातावरण शान्त र सकारात्मक हुनु पर्छ, जसले गर्दा व्यक्ति मानसिक रूपमा शान्त र स्थिर महसुस गर्न सक्छ।
डिप्रेसनका कारण व्यक्ति आफ्नो सामाजिक जीवनबाट टाढा बस्छ, तर परिवारका सदस्यहरूले उसलाई पुनः सामाजिक गतिविधिहरूमा भाग लिन प्रोत्साहित गर्न सक्छन्। यसले व्यक्ति आफ्नो पुरानो सामाजिक सम्बन्धहरूलाई पुनः निर्माण गर्न र आत्मविश्वासमा फर्किन सक्छ।
डिप्रेसनको उपचारमा परिवारको भूमिका केबल भावनात्मक समर्थनमा मात्र सीमित हुँदैन, बरु यो एक समग्र उपचार प्रक्रियामा महत्त्वपूर्ण योगदान दिन्छ। परिवारको साथ र समझले डिप्रेसनबाट पीडित व्यक्तिलाई ठिक भएर फर्कनका लागि आधार प्रदान गर्न सक्छ।
