काठमाडौं । नेपाल विद्युत प्राधिकरण भरतपुर वितरण केन्द्रको डिजिटल बोर्डमा प्रधानमन्त्री केपी शर्मा ओलीविरुद्धकाे नारा डिस्प्ले भएकाे छ ।
सरकारले नेपाल विद्युत प्राधिकरणका कार्यकारी निर्देशक कुलमान घिसिङलाई पदबाट हटाउने निर्णय भएकै विराेधमा प्रधानमन्त्रीविरूद्धकाे नारा डिजिटल बोर्डमा लेखिएको हो ।
डिजिटल बोर्डमा निकै असभ्य भाषामा प्रधानमन्त्रीविरूद्ध नारा लेखिएकाे छ ।
घटनाकाे बारेमा छानबिन भरतपुर वितरण केन्द्रले छानबिन थालेकाे छ । प्राधिकरण भरतपुर वितरण केन्द्रका प्रमुख रामु श्रेष्ठले कसरी त्यस्ताे भयाे भन्ने छानबिन बढाइएकाे जानकारी दिए ।
‘यस्तो कसरी भयो भनेर सूचना प्रविधि विज्ञहरुसँग समेत सम्पर्क गरेर हामी अनुसन्धान गरिरहेका छौं’, उनले भनेका छन् ।
उनले डिजिटल बोर्डमा लेख्ने पहुँच आफ्नो मात्रै भएको बताउँदै ह्याकरले ह्याक गरेर लेखेको हुन सक्ने धारणा राखेका छन् ।
