काठमाडौं । काठमाडौंको तीनकुनेस्थित एक घरमा आगजनी भएको छ । राजावादीहरुको प्रदर्शन बिथोलिएको केही समयपछि तीनकुनेस्थित एक घरमा आगजनी भएको हो ।
उक्त घरमा प्रहरी र राजावादीका समर्थकबिच हानाहान भएको थियो । प्रहरीले उक्त घरबाट प्रदर्शनकारीमाथि अश्रुग्याँस प्रहार गरेको थियो भने प्रदर्शनकारीले उक्त घरलाई लक्षित गरी ढुंगा हानेका थिए ।
जुन घटनापछि केहीबेरमा घरमा आगलागी भएको हो ।
सडकमा बालिएको टायरबाट आगो सल्केको प्रहरीले जानकारी दिएकाे छ ।
यतिबेला घरमा लागेको आगो निभाउन दमकल पुगेको छ । यद्यपि, उक्त दमकलमाथि पनि प्रदर्शनकारीले ढुंगामुढा गरेका छन् ।
प्रतिक्रिया दिनुहोस्
