

आज मिती २०८१ साल चैत महिनाको १८ गते सोमबार तदनुसार मार्च महीनाको ३१ तारीख सन् २०२५, चैत शुक्ल पक्षको द्वितीया तिथी एवं मत्स्य जयन्ती ब्रत तथा विश्व अटिजम जागरुकता दिवस, आज बिहान ५ बजेर ५५ मिनेटमा काठमाण्डौ उपत्यकामा झुल्कीएको घाम साँझ ६ बजेर २० मिनेटमा अस्ताउने छ ।
मेष राशी: आजको दिन आम्दानीका नयाँ स्रोत फेला पर्नुका साथै प्रयत्न गर्दा दिगो काम प्रारम्भ हुन सक्छ। स्रोत–साधन जुट्नाले गरिएका कर्मको उचित प्रतिफल प्राप्त भएपनि खर्च बढ्नाले अर्थ संग्रहमा बाधा पुग्नेछ। सरसापट र भैपरी आउने कामले रकम बाहिरिन सक्ने हुनाले परिस्थितिजन्य समस्याले अलि दु:ख पाइने समय रहेको छ।
बृष राशि: कीर्तिमानी कामको जस लिँदै लोकप्रियता हासिल गर्न सकिने तथा आफ्नो क्षेत्रमा नाम र दाम कमाउने समय छ। शुभचिन्तकहरूको सहयोग जुट्नाले मनग्य फाइदा हुनाका साथै कर्मयोगले आम्दानी समेत बढाउनेछ। आँटले काम बन्नुका साथै मेहनतले लक्ष्यमा पुर्र्याउनुका साथै व्यापार बढ्नेछ तथा अड्किएको रकम पनि उठ्ने समय रहेको छ।
मीथुन राशि: चिताएको काम बिग्रनाले दोहोर्याएर प्रयत्न गर्नुपर्ला। शारीरिक कमजोरीले चिन्ता बढाउनुका साथै बाध्यताले अलमल्याउन सक्छ। अरूका लागि समय, धन र बुद्धि खर्च गर्नुपर्ने भएपनि आध्यात्मिक चेतनाले धर्मकर्म र सेवामा प्रवृत्त गराउनेछ। मेहनतले कीर्तिमानी काम बनेपनि स्वयं पछि सर्दा आफ्ना कामबाट अरूले समेत फाइदा उठाउनेछन्।
कर्कट राशि: आजको दिन स्वास्थ्य कमजोर रहनाले काम पूरा गर्न केही बढी समय लाग्नुका साथै जिम्मेवारी बढे पनि न्यून उपलब्धिमा चित्त बुझाउनुपर्ने परिस्थिति देखिन्छ। स्वास्थ्यका लागि आहारविहारमा ध्यान दिनु तपाईका लागि हितकर हुनेछ। पहिलेका चुनौतीहरू स्वतः हट्ने हुनाले विभिन्न अवसर तथा सफलताले पछ्याउनुका साथै भाग्यले सफलताको उचाइमा पुर्याउनेछ।
सिंह राशि: आजको दिन रमाइलो यात्रा र मनोरञ्जनको आनन्द लिने समय छ। आतिथ्य खर्चिलो देखिए पनि सत्कार पाइनेछ। प्रेम र मित्रताको बन्धन कसिलो हुनाको साथै विभिन्न भौतिक वस्तुहरू जुटाउन सकिनेछ। सुमधुर सम्बन्धका लागि व्यवहारमा ध्यान दिन सके प्रतीक्षित नतिजा कमजोर देखिनाले काम दोहोर्याउनुपर्ने समय रहेको छ।
कन्या राशि: आजका दिन लामो समयदेखि रोकिएका काम बन्नाले मनग्य धन लाभ हुनुका साथै द्वेष वा ईर्ष्या गर्नेहरूले हार खानेछन्। चुनौती पन्छाएर काम बनाउन सकिने हुनाले व्यापारलगायत आर्थिक लाभ हुने नयाँ योजना शुभारम्भ हुनेछ। प्रेम र मित्रताको बन्धन कसिलो बनाउनुका साथै परिवारजनको साथले उत्साह जगाउनेछ। अप्ठ्यारा परिस्थितिलाई सहज बनाउन सकिने समय रहेको छ।
तुला राशी: सुखद समाचारले उत्साह जगाउनुका साथै अध्ययनमा प्रगति हुनेछ। तारिफयोग्य काम गर्दै धेरैको उपकार गर्न सकिने हुनाले बुद्धिको उपयोगले लक्ष्य प्राप्त हुनेछ। बौद्धिक अभिव्यक्तिको प्रभाव समेत बढ्नुका साथै आम्दानीका स्रोत पनि बढ्नेछन्। प्रतिस्पर्धामा विजयी हुनाका साथै मेहनतले प्रतिष्ठित काम सम्पादन गर्ने मौका दिलाउने समय रहेको छ ।
बृश्चिक राशि: हतारमा निर्णय लिँदा काम बिग्रन सक्ने तथा तत्कालको फाइदा हेर्दा पछिलाई समस्या पर्नेछ। बेसुरमा बोल्ने बानीले पनि दु:ख पाइनुका साथै अरूलाई दिएको वचन पूरा गर्न नसकिए पनि शुभचिन्तकहरूले साथ दिनेछन्। बुद्धिको उपयोगले लक्ष्य प्राप्त हुनाका साथै पहिलेको दुविधाले निर्णायक मोड लिने समय रहेको छ।
धनु राशि: प्रतीक्षित नतिजाले उत्साह जगाउनुका साथै कर्मयोगले नयाँ मोड लिनेछ भने मेहनतले नाम, दाम र इनाम आर्जन गर्न सकिनेछ। उद्योग र व्यापारमा विशेष फाइदा हुनुका साथै गरिएका कर्मको उचित प्रतिफल प्राप्त हुनेछ। बेसुरमा काम गर्ने बानीले समस्या सिर्जना भएपनि शुभचिन्तकहरूकाे सहयाेगले काम बन्नेछ।
मकर राशि: परिस्थितिले नयाँ मार्गतर्फ अग्रसर गराउन सक्ने हुनाले विभिन्न भौतिक सुविधाका वस्तुहरू जुटाउन सकिने हुनाले दिगो काम प्रारम्भ हुनाले आम्दानीका स्रोतहरू बढ्नेछन्। अध्ययनमा प्रगति हुनुका साथै अनुभवलाई पनि निखार्ने अवसर प्राप्त भएपनि समयमा सहयाेगी नहुँदा दुःख पाइने समय रहेको छ।
कुम्भ राशि: काम गर्ने इच्छाशक्ति बढ्नुका साथै कीर्तिमानी कामको जस लिने अवसर प्राप्त हुनाले समय फुर्सदिलो देखिए पनि रचनात्मक कार्य शुभारम्भ गर्न सकिनेछ। पारिवारिक जमघटका बीच स्वादिष्ट भोजनको आनन्द प्राप्त हुनाका साथै विभिन्न अवसर प्राप्त हुनुका साथै दैनिकीमा परिवर्तन आउनेछ।
र, मिन राशि: दिनको सुरुवातमा खर्च बढ्नुका साथै अर्थअभावले सताउन सक्छ। फाइदाका लागि दोहोर्याएर प्रयत्न गर्नुपर्ला। अरूको विश्वासमा पर्दा धोका हुन सक्ने सम्भावना रहेपनि टाढाका साथीभाइसँग सम्पर्क बढ्नाले यात्राको सम्भावना देखिन्छ। तारिफयोग्य कामले प्रशंसक बढ्नुका साथै ज्ञान, कला र व्यक्तित्व निखार्ने समय छ।