काठमाडौं । राजसंस्था पुनस्थापनाका लागि संयुक्त जनआन्दोलन समितिका प्रवक्ता स्वागत नेपाल हाजिरी जमानीमा छुटेका छन्।
उनलाई प्रदर्शनस्थलमा नदेखिएको भन्दै प्रहरीले हाजिरी जमानीमा छाडेको हो।
उनलाई प्रहरीले गत शुक्रबार आफ्नै ल फर्मबाट पक्राउ गरिएको थियो। प्रदर्शन भएको दिन उनी परीक्षामा सामेल थिए।
अघिपछि जे गरे पनि शुक्रबारको प्रदर्शन उत्तेजक बनाउनमा उनको कुनै भूमिका नदेखिएको जिल्ला प्रहरी परिसरका प्रवक्ता एसपी अपिलराज बोहराले बताए।
तीनकुनेमा भएको हिंसात्मक आन्दोलनपछि उनीसहित राप्रपा वरिष्ठ उपाध्यक्ष रवीन्द्र मिश्र र महामन्त्री धवलशमशेर राणा पनि पक्राउ परेका छन्।
उनीहरूलाई भने म्याद थपका लागि अदालत लगिएको छ।
प्रतिक्रिया दिनुहोस्
