काठमाडौं । केटीएम मोटरसाइकलको नक्सालमा सुविधा सम्पन्न नयाँ फ्ल्यागशीप शोरुम सञ्चालनमा ल्याएको छ । गोल्छा ग्रुप अन्तर्गतको हशंराज हुलास चन्द एन्ड कम्पनीले बिक्री गर्दै आएको उक्त मोटरसाइकलको शोरुम उद्घाटनसँगै आइतबारदेखि औपचारिक रूपमा सञ्चालनमा ल्याएको हो । यसअघि पनि कम्पनीले नक्सालकै सामन्य शोरुम बाटै सेवा दिंदै आएको थियो ।
आइतबार आयोजित शोरुम उद्घाटन समारोहमा गोल्छा ग्रुपका अध्यक्ष शेखर गोल्छाका साथै निर्देशक अभिमन्यु गोल्छाको पनि उपस्तिथिति रहेको थियो । केटीएमका स्पोर्ट्स, एड्भेन्चर तथा डर्ट बाइक युवा पुस्तामा निकै लोकप्रिय छन् ।
नक्सालमा आइतबारबाट सञ्चालनमा आएको नयाँ फ्यागसिप शोरुम सँगै केटिएमका शोरुमको संख्या १८ पुगेको छ । केटीएम मोटरसाइकलका विभिन्न सात मोडल नेपालमा बिक्रि हुँदै आएका छन् ।
तीब्र गती, उत्कृष्ट सस्पेन्सन र दमदार इन्जिन क्षमता यी मोटरसाइकलका विशेष विशेषता हुन् । केटीएमको नक्साल शोरुमबाट ग्राहकहरूले विशेष उत्कृष्ट सेवा पाउने केटीएमको नक्साल शोरुमका सेल्स इन्चार्जले जानकारी दिएका छन् ।
नेपाली बजारमा केटीएम ड्युक २००, केटीएम आरसी २००, केटीएम ड्युक ५५० जेन थ्री, केटीएम आरसी ३९०, केटीएम आरसी ३९०, केटीएम ड्युक ३९०, केटीएम २५० एड्भेन्चर र एड्भेन्चर र केटीएम ३९० एड्भेन्चर मोडलको मोटरसाइकल बिक्रि गर्दै आएको छ । त्यो बाहेक निकट भविष्यमै केटीएमका बिग बाइक समेत नेपाल भित्र्याउने तयारी रहेको कम्पनीले जनाएको छ ।
