काठमाडौं । प्रधानमन्त्री केपी शर्मा ओलीले विद्युत प्राधिकरणका निवर्तमान कार्यकारी निर्देशक कुलमान घिसिङ मन्त्रीप्रति लोयल नभएको बताएका छन्।
सोमबारको संसद बैठकमा कुलमान हटाएको विषयण्मा जवाफ दिदै प्रधानमन्त्री ओलीले लोयल नहुने कर्मचारीलाई हटाउन सकिने र यस्तो अहिलेको सरकारले मात्र नभएर यसअघिका सरकारले पनि गर्ने गरेको बताए।
उनले राष्ट्रसेवक कर्मचारीको गुणदोष टिप्पणी गर्ने स्थल संसद नभएको भन्दै अगाडी भने, ‘त्यसको प्रक्रिया छ। राम्रो काम गर्नेलाइ पुरस्कार र दोषीलाई कारवाही गर्ने विधि पनि यसै सदनले निर्धारण गरेको छ।’
प्रधानमन्त्री ओलीले कर्मचारी सरुवा गर्ने, जगेडामा राख्ने, नसियत चेतावनी दिने, वा पदमुक्त गर्नेसम्मका काम अहिलेको सरकारले मात्र होइन जहिलेको सरकारले पनि गर्ने गरेको स्मरण गरे।
प्रधानमन्त्री ओलीले भने, ‘यत्रि चाहीँ भनौँ, सामान्य त कुनैपनि कर्मचारीबाट विभागीय मन्त्रीले आफूप्रति लोयल्टी फिल गरेन भने वा मन्त्रीप्रति, कानुनप्रति लोयल्टी फिल भएन भने वा लोयल्टी राखिएन भने कारबाही होला, परीक्षण पनि होला।’
