काठमाडौं । पूर्वमिस नेपाल निकिता चाण्डक यतिबेला मुम्बईमा छिन्। प्रसिद्ध बलिउड निर्देशक संजयलीला भन्सालीसँग उनको आगामी फिल्ममा काम गर्ने पक्का भइसकेको छ।
नाम उल्लेख नगरिएको भन्सालीको आउँदो प्रोजेक्टमा आफू छोटो भूमिकामा देखिन लागेको उनको भनाई छ। यसैबीच पछिल्लो ब्लकबस्टर फिल्म ‘स्त्री २’ अभिनेता राजकुमार रावसँग निकिताले विज्ञापन फिल्ममा अभिनय गरेकी छन्।
टीटी नामक गञ्जीको अभिनयमा यी दुईलाई देख्न सकिन्छ।
‘विज्ञापन सुटबाट…’ क्याप्सनसहित निकिताले इन्स्टाग्राममा राजकुमारसँगको छोटो क्लिप सेयर गरेकी छन्। यो पोस्टमा उनले अभिनेता रावलाई मेन्सन गरेकी छन्।
‘साङ्लो’बाट नेपाली फिल्मको अभिनयमा डेब्यु गरेकी निकिताको पछिल्लो फिल्म ‘राजागञ्ज’ हालै रिलिज भएको थियो।
प्रतिक्रिया दिनुहोस्
