काठमाडौं । राष्ट्रिय स्वतन्त्र पार्टीका सभापति रवि लामिछानेले गणतन्त्रवादी दलहरूसँग फोटो खिचाउने पक्षमा आफू नरहेको बताएका छन्।
पार्टी केन्द्रीय समितिको बैठकअघि केन्द्रीय कार्यालय वनस्थलीमा बोल्ने क्रममा सभापति लामिछानेले गणतन्त्रवादी भन्ने दलहरूले गणतन्त्रको खोल मात्रै ओढेको आरोप लगाए।
‘जहाँ तपाईं उभिरहनु भएको छ। त्यो गणतन्त्र नभएर लुटतन्त्रको खोल ओडिरहनुभएको छ। रास्वपाले खोल ओड्दैन,’ लामिछानेले भने, ‘तपाईंको कर्तुत लुकाउन लागि तपाईंको कित्तामा उभिएर फोटो खिचाउने रहर रास्वपालाई छैन।’
त्यसअघि सरकारले गणतन्त्रवादी दलहरूको बैठकमा रास्वपा र राप्रपालाई नबोलाएपछि रास्वपामाथि नै प्रश्न उठेको थियो। प्रमुख सचेतक सन्तोष परियारले ‘आफूहरू गणतन्त्रकै पक्षमा रहेकोले शंका नगर्न’ भनेका थिए।
प्रतिक्रिया दिनुहोस्
