काठमाडौं । प्रधानमन्त्री केपी शर्मा ओली आज थाइल्याण्ड भ्रमणमा जाँदैछन् । थाइल्यान्डकी प्रधानमन्त्री पेटोङ्टार्न सिनावात्राको निमन्त्रणमा उनी थाइल्याण्ड जान लागेका हुन् ।
प्रधानमन्त्रीको सचिवालयका अनुसार भ्रमणका क्रममा प्रधानमन्त्री ओली थाइल्यान्डको राजधानी बैंककमा आयोजना हुने बिमस्टेकको छैटौँ शिखर सम्मेलनमा पनि सहभागी हुनेछन्।
प्रधानमन्त्री ओलीको थाइल्यान्ड भ्रमण नेपालकै तर्फबाट हुन लागेको पहिलो कूटनीतिक भ्रमण हो । जसलाई निकै महत्वका साथ हेरिएको छ ।
सँगै, बिमस्टेक सम्मेलनको अवसरमा प्रधानमन्त्री ओलीले गर्ने अन्य देशका नेताहरुसँगको भेटवार्तालाई अर्थपूर्णरुपमा लिइएको छ । प्रधानमन्त्री ओलीले भारतीय प्रधानमन्त्री नरेन्द्र मोदीसँग साइडलाइन भेट गर्ने तयारी गरेका छन् ।
यद्दपि, भारतबाट मोदी नै सहभागि हुने वा नहुने भन्ने यकिन भइसकेको छैन । मोदी आफू सहभागी नभएमा उनले विदेशमन्त्री जयशंकरलाई पठाउने सम्भावना पनि उत्तिकै रहेको बताइन्छ ।
भारतले ओली नेतृत्वको सरकारलाई त्यति धेरै महत्व दिएको छ । योबिचमा ओली र मोदीबिच राम्रोसँग संवाद पनि हुन सकिरहेको छैन ।
