काठमाडौं । राष्ट्रिय प्रजातन्त्र पार्टी (राप्रपा)का वरिष्ठ नेता एवं सांसद दीपक बोहराको निधन भएको छ ।
मंगलबार बिहान उपचारको क्रममा काठमाडौंको ओम अस्पतालमा निधन भएको राप्रपाका प्रवक्ता मोहनकुमार श्रेष्ठले पुष्टि गरे ।
बोहरा रुपन्देही क्षेत्र नम्बर १ बाट निर्वाचित प्रतिनिधिसभा सदस्य हुन् ।
बोहरा लामो समयदेखि घाँटीको समस्याबाट पीडित थिए । घाँटीको समस्याको कारण उनले गत निर्वाचनमा एउटा पनि चुनावी सभालाई सम्बोधन गर्न सकेका थिएनन् ।
तर, एक पटक पनि चुनावी सम्बोधन नगरी उनले चुनाव भने जिते । उनका प्रतिस्पर्धीको रूपमा तत्कालीन बहालवाला गृहमन्त्री बालकृष्ण खाण रहेका थिए ।
प्रतिक्रिया दिनुहोस्
