काठमाडौं । साताको चौथो कारोबार दिन (बुधबार) स्थानीय बजारमा सुनको मूल्य घटेको छ । मंगलबार एकै दिन १८ सय रुपैयाँले मूल्य बढ्दै हालसम्मकै उच्च बिन्दुमा पुगेको सुनको मूल्य बुधबार घटेको हो ।
नेपाल सुनचाँदी व्यवसायी महासंघले जनाएअनुसार मंगलबारको तुलनामा आज प्रतितोला ६ सय रुपैयाँले मूल्य घटेको छ । मूल्य घटेसँग बुधबार सुनको मूल्य प्रतितोला १ लाख ७९ हजार १ सय रुपैयाँ कायम भएको महासंघले जनाएको छ ।
यसअघि मंगलबार सुनको मूल्य १ लाख ७९ हजार ७ सय रुपैयाँ थियो ।
सुनको मूल्य घटेसँगै बुधबार चाँदीको मूल्य घटेको छ । महासंघले जनाएअनुसार मंगलबारको तुलनामा प्रतितोला १५ रुपैयाँले चाँदीको मूल्य घटेको छ ।
मूल्य घटेसँगै बुधबार चाँदीको मूल्य प्रतितोला २ हजार २० रुपैयाँ कायम भएको छ ।
प्रतिक्रिया दिनुहोस्
