काठमाडौं । शिक्षकहरूले काठमाडौँका विभिन्न स्थानबाट र्याली निकालेका छन् । बुधवार (आज) विद्यालय शिक्षा ऐन जारी गर्न माग गर्दै शिक्षक महासंघको अगुवाइमा उक्त र्याली निकालिएको हो ।
र्याली माइतीघर मण्डलामा पुगेर धर्नामा परिणत हुने महासंघले जनाएको छ । यस नयाँ चरणको आन्दोलनका लागि देशभरिका शिक्षकहरू बुधवार काठमाडौँ आएका हुन् । आन्दोलनलाई शान्तिपूर्ण बनाउन ८ सय स्वयंसेवक परिचालन गरिएको छ ।
महासंघ सहअध्यक्ष एवं आन्दोलन परिचालन समितिको संयोजक नानुमाया पराजुलीले आज डेढ लाख शिक्षक कर्मचारीको र्याली निस्केको र भोलि शिक्षक अझ कर्मचारी थपिने उनले बताइन् ।
प्रतिक्रिया दिनुहोस्
