काठमाडौं । शिक्षा ऐनको माग गर्दै देशैभरका शिक्षकहरु काठमाडौंमा आन्दोलनमा उत्रिएका छन् । आन्दोलनरत शिक्षक महासंघले सरकारले ऐन जारी गर्ने भए मात्र वार्तामा आउने बताएका छन् । बिहीबार शिक्षा, विज्ञान तथा प्रविधि मन्त्रालयले आन्दोलनरत शिक्षकहरूलाई वार्ताका लागि बोलाएको हो ।
महासंघका अध्यक्ष लक्ष्मिकिशोर सुवेदीलेले पहिले नै वार्तामा बसेर सहमति भइसकेको र फेरि वार्ता, सहमति आवश्यक नभएको जानकारी दिएको छ । उनले भने ‘ऐन जारी गर्ने भए मात्र मन्त्रालय जान्छौँ । सहमति र छलफलको आवश्यक छैन ।’
हिजो बुधवार विद्यालय शिक्षा ऐन जारी गर्न माग गर्दै शिक्षक महासंघको अगुवाइमा र्याली निकालिएको थियो । उक्त र्यालीमा देशभरका ५० हजारभन्दा बढी शिक्षकहरू सहभागी थिए । आज पनि शिक्षक महासंघले आन्दोलन निकालेको छ ।
प्रतिक्रिया दिनुहोस्
