काठमाडाैं । नेपाल राष्ट्र बैंकको कायममुकायम गभर्नरको जिम्मेवारी निलम ढुङ्गाना तिम्सिनाले पाएकी छिन् । अर्थ मन्त्रालयले सोमबार वरिष्ठ डेपुटी गभर्नर तिम्सिनालाई कामु गभर्नरको जिम्मेवारी थमाएको हो ।
नेपाल राष्ट्र बैंक ऐन २०५८ को दफा २७ बमोजिम उपप्रधानमन्त्री एवं अर्थमन्त्री विष्णुप्रसाद पौडेलले ढुङ्गानालाई कायम मुकायम गभर्नरको जिम्मेवारी तोकेको मन्त्रालयले जनाएको छ ।
गभर्नर महाप्रसाद अधिकारीको कार्यकाल सकिएर विदा भएपछि राष्ट्र बैंक गभर्नर विहीन रहेको छ । आज बस्ने मन्त्रिपरिषद् बैठकले नयाँ गभर्नरको टुंगो लगाउने सम्भावना रहेको छ ।
प्रतिक्रिया दिनुहोस्
