क्यालिफोर्निया । ब्रिटिश स्टील, बेलायतको अन्तिम प्राथमिक स्टील उत्पादक, लिंकनशायरको स्टनफोर्डमा रहेको छ। यो चिनियाँ कम्पनी जिंगये ग्रुपको स्वामित्वमा छ। तर अहिले यो कारखाना बन्द हुने जोखिममा छ, जसले २,७०० रोजगारी र बेलायतको स्टील उत्पादन क्षमतालाई खतरामा पारेको छ। चिनियाँ मालिकले दुई वटा ब्लास्ट फर्नेस बन्द गर्ने योजना बनाएको थियो, जसले कारखानालाई पूर्ण रूपमा बन्द गर्न सक्थ्यो। यसले बेलायतलाई रणनीतिक रूपमा महत्त्वपूर्ण स्टील उत्पादनमा अन्य देशहरूमा निर्भर बनाउन सक्थ्यो।
गत अप्रिल १२ मा, बेलायत सरकारले आपतकालीन कानून पारित गर्यो, जसले सरकारलाई ब्रिटिश स्टीलको स्टनफोर्डमा यो कारखानालाई नियन्त्रण लिन अनुमति दियो। यो कदम कारखानालाई बन्द हुनबाट जोगाउन र स्टील उद्योगलाई बचाउन चालिएको थियो। यो हस्तक्षेपलाई राष्ट्रिय सुरक्षा र बेलायतको औद्योगिक आधारको संरक्षणसँग जोडेर हेरिएको छ, किनभने स्टीललाई रक्षा र पूर्वाधारका लागि महत्त्वपूर्ण मानिन्छ।
यो संकटले बेलायत-चीन सम्बन्धमा अध्यारोपन छाएको छ। बेलायतले हालैका वर्षहरूमा चीनसँग आर्थिक सम्बन्ध सुधार गर्न प्रयास गरिरहेको छ, तर ब्रिटिश स्टीलको चिनियाँ मालिकसँगको असफल वार्ता र तोडफोडको आरोपहरूले दुई देश बिचमा तनाव बढाएको छ।
बेलायती अधिकारीहरूले चिनियाँ कम्पनीहरूलाई संवेदनशील उद्योगहरूमा लगानी गर्न अनुमति दिने नीतिमा पुनर्विचार गर्न थालेका छन्। अमेरिकी राष्ट्रपति डोनाल्ड ट्रम्पको नेतृत्वमा लगाइएका ट्यारिफ र विश्वव्यापी संरक्षणवादी नीतिहरूले बेलायतको स्टील उद्योगलाई थप दबाबमा पारेको छ। यी ट्यारिफले बेलायतको स्टील निर्यातलाई प्रभावित गरेको छ, जसले उद्योगको आर्थिक संकटलाई गहिरो बनाएको छ।
स्टिल कारखाना बन्द भएमा २,७०० प्रत्यक्ष रोजगारी गुम्ने जोखिम छ, जसले स्थानीय समुदाय र अर्थतन्त्रमा ठूलो असर पार्नेछ। बेलायत विश्वको (जि ट्वान्टि) मुलुकहरू मध्ये एकमात्र देश बन्ने जोखिममा छ। यसको आफ्नै स्टील उद्योग छैन, यसले यसको औद्योगिक स्वतन्त्रतामाथि प्रश्न उठाएको छ।
बेलायतले स्टील उद्योगको आविष्कार गरेको थियो, तर विगतका दशकहरूमा यसको औद्योगिक आधार बिक्री र कमजोर भएको छ।
बेलायतको नेट जिरो लक्ष्यहरूले स्टील उद्योगमा उच्च कार्बन उत्सर्जनका कारण थप चुनौतीहरू पनि सिर्जना गरेको छ। कारखानाहरूलाई पर्यावरणीय मापदण्ड पूरा गर्न महँगो लगानी चाहिन्छ। चीनजस्ता देशहरूबाट सस्तो स्टीलको डम्पिङले बेलायती स्टील निर्माताहरूलाई प्रतिस्पर्धा गर्न कठिन बनाएको छ।
