काठमाडौं । स्थानीय बजारमा एकपछि अर्को रेकर्ड बनिरहेको सुनको मूल्यमा बिहीबार भारी बृद्धि भएको छ । निरन्तर बृद्धिका बिच बिहीबार एकै दिन ३ हजार ६ सय रुपैयाँले बढेको हो ।
मूल्य बृद्धिसँगै बिहीबार सुनको मूल्य प्रतितोला १ लाख ९० हजार ६ सय रुपैयाँ पुगेको नेपाल सुनचाँदी व्यवसायी महासंघले जनाएको छ । जुन हालसम्मकै उच्च मूल्य हो ।
यसअघि बुधबार सुनको मूल्य १ लाख ८७ हजार रुपैयाँ कायम थियो । जुन बुधबारसम्मको लागि सबैभन्दा उच्च मूल्य थियो ।
सुनको मूल्य बृद्धि भइरहँदा चाँदीको मूल्यमा पनि सामान्य बृद्धि भएको छ । बुधबारको तुलनामा प्रतितोला ५ रुपैयाँले बढ्दै चाँदी प्रतितोला १ हजार ९५५ रुपैयाँ कायम भएको महासंघले जनाएको छ ।
आज अन्तर्राष्ट्रिय बजारमा भने सुनको मूल्य प्रतिऔंश ३ हजार ३४२ डलरमा किनबेच भइरहेको छ ।
प्रतिक्रिया दिनुहोस्
