काठमाडौं । टिकटकमा पेस्तोल देखाएर भिडिओ बनाएको आरोपमा एक जना व्यक्ति पक्राउ परेका छन्।
प्रहरीले कपिलवस्तुको शुद्धोधन गाउँपालिका-६ महादेव बस्ने २१ वर्षीय रघुबिन्द यादवलाई पक्राउ गरेको हो।
यादवले यही वैशाख ६ गते करिब साढे ६ बजे पेस्तोल देखाएको भिडिओ टिकटकमा पोष्ट गरेका थिए। सोही भिडिओका आधारमा उनलाई इलाका प्रहरी कार्यालय पकडीको टोलीले नियन्त्रणमा लिएको हो।
उनीमाथि थप अनुसन्धान गरिरहेको जिल्ला प्रहरी कार्यालय कपिलवस्तुले जनाएको छ।
प्रतिक्रिया दिनुहोस्
