काठमाडाैं । गुल्मीमा भइरहेको दोस्रो गुल्मी महोत्सवमा सोमबार गायक दुर्गेश थापा सिम्रिक एयरको हेलिकप्टर चढेर तम्घास झरेका थिए। अनि मञ्चमा दुई घण्टा ‘दुस्मन हेरेको हेर्यै’, ‘बीच बजारमा’ जस्ता हिट गीत गाएर दर्शक झुमाएर निस्के। थापाको ‘हेलिकप्टर इन्ट्री’को कारण दर्शकले दुई गुणा टिकट मूल्य व्यहोर्नु पर्यो।

---

---

दुर्गेश हिँडेपछि अर्की लोक गायिका ज्योति मगर मन्चमा पुगिन्। त्यसअघि दुर्गेश जुन दिन आउँछन्, आफू पनि त्यही दिन आउने अडान ज्योतीले लिएकी थिइन्। यद्यपि, कार्यक्रममा उनीहरुको भेट भएन।

अहिले दुर्गेश र ज्योतीको आपसी सम्बन्ध त्यति राम्रो छैन। केही दिनअघि उनीहरु सामाजिक सञ्जालमै एक–अर्कामाथि खनिएका थिए। त्यसैले पनि दुर्गेश गएकै दिन आफू जाने अड्डी कसिकी थिइन् ज्योतिले।

एक–अर्कालाई घोचपेच

स्टेजबाट एक–अर्कालाई छेडछाड गरे। आयोजकका अनुसार दुर्गेशले ‘कोही कोही साँप्रा देखाउने कलाकार पनि आउने रे’ भन्दै ज्योतीलाई छेड हानेका थिए। ज्योतिले पनि ‘स्टेजमा उफ्रिने स्वघोषित कलाकार पनि आएका थिए रे’ भन्दै दुर्गेशलाई छेड हानिन्।

आयोजक समितिका अध्यक्ष पाण्डेले भने, ‘दुवैले मञ्चबाटै एक अर्कालाई सटायर गर्नुभयो। त्यसो नगरेको भए राम्रो हुन्थ्यो।’