एउठा बैंकलाई एउटा मात्रै पास

काठमाडौं– बैंकिङ कारोबार सुचारु राख्न एउटा बैंकलाई एउटामात्र पास दिइने भएको छ।

सरकारले सात दिनसम्म लकडाउन गरेको हुँदा बैंकका सम्पूर्ण काउन्टर बन्द हुने नेपाल राष्ट्र बैंकका प्रवक्ता गुणाकर भट्टले जानकारी दिए।

नेपाल बैंक र एसोसिएसनको समन्वयमा कुन बैंकका कुन कर्मचारीलाई पास दिइने भन्ने तय गरी जम्मा एउटा पास दिइने भट्टले जानकारी दिए।

काउन्टर बन्द भए पनि एटिएममा पैसा राख्ने, विद्युतीय कारोबारका लागि प्रणाली अपडेट गर्नु पर्ने भएकाले कर्मचारीहरु कार्यालयसम्म जानु पर्ने हुन्छ। यसका लागि पनि हरेक बैंकका केही कर्मचारीलाई पासको व्यवस्था गरिने भएको छ।

उपत्यका बाहिरको हकमा सम्बन्धित प्रमुख जिल्ला अधिकारीसँग समन्वय गरेर आवश्यक काम गरिने तयारी गरिएको छ। तर अहिले नै उपत्यकाबाहिर के–कसरी अगाडि बढ्ने भन्ने विषयमा निर्णय भैसकेको छैन।

सरकारले आकस्मिकरुपमा बन्द गर्ने निर्णय गरेको हुँदा बैंकहरुले आन्तरिक रुपमा तयारी गरेका छैनन्। यस्तो अवस्थामा बैंकिङ सुविधा के–कसरी सुचारु गर्न सकिन्छ भन्ने विषयमा छलफल भैरहेको छ ।

आइतबार एसोसिएसनले विद्युतीय कारोबार निःशुल्क बनाउने निर्णय गरेको थियो।