जाजरकोट– जंगली च्याउको तरकारी खाँदा गम्भीर बिरामी परेका जारकोटको कुशे गाउँपालिका–१ स्याँक्रीका एकैघरका चार बालबालिकाको मृत्यु भएको छ । तीन बालबालिकाको मंगलबार र एकको सोमबार मृत्यु भएको हो । च्याउ खाएका अन्य चारजना बिरामी परेका छन् ।
स्याँक्रीका ५० वर्षीय टेकबहादुर चलाउनेले ९ साउनमा जंजलबाट च्याउ टिपेर ल्याएका थिए । साँझ च्याउको तरकारी खाएका उनीहरूलाई त्यही रातिदेखि बिसन्चो भएको थियो । घरका आठैजना बिरामी परेकाले गाउँकै मेडिकलबाट औषधि लिएर खाएका थिए ।
उनीहरू च्याउ खाएको तीनदिनपछि सिकिस्त बिरामी परेका थिए । त्यसपछि मात्रै गाउँलेले उपचारका लागि प्रयास गरेका हुन् । यो समाचार नयाँ पत्रिका दैनिकमा प्रकाशित छ ।
प्रतिक्रिया दिनुहोस्
