काठमाडौं- पछिल्लो २४ घन्टामा थप २७४ जनामा कोरोना संक्रमण भएको छ। काठमाडौं उपत्यकामा मात्र थप ४५ जनामा कोरोना संक्रमित भेटिएका हुन्।
काठमाडौं उपत्यकामा यो अहिलेसम्मकै ठूलो संख्या हो। काठमाडौंमा ४१, ललितपुरमा २ र भक्तपुरमा २ जनामा कोरोना संक्रमण देखिएको स्वास्थ्य मन्त्रालयले जनाएको छ।
योसँगै नेपालमा कोरोना संक्रमितको संख्या १९ हजार ५४७ पुगेको छ। पछिल्लो एकदिनमा ६ हजार ३ सय ४ जनाको परीक्षण गरिएको स्वास्थ्य मन्त्रालयले जनाएको छ।
त्यस्तै थप २२७ जना कोरोनामुक्त भएका छन्। कोरोनामुक्त हुनेको संख्या १४ हजार २४८ रहेको छ।
प्रतिक्रिया दिनुहोस्
