एजेन्सी– क्रिस्टोफर नोलनको बहुप्रतिक्षित चलचित्र ‘टेनेट’ आगामी २६ अगस्टबाट विश्वभर प्रदर्शनमा आउने भएको छ । ‘वार्नर ब्रोज’ प्रोडक्सनले सो चलचित्र निर्माण गरेको हो ।
प्रोडक्सन कम्पनीका अनुसार आगामी अगस्ट २६ मा चलचित्रले अन्तर्राष्ट्रिय रूपमा प्रदर्शन थाल्नेछ भने सेप्टेम्बर २ बाट दक्षिण अमेरिकन मुलुकहरूमा प्रदर्शन हुनेछ ।
फ्रान्स, जर्मनी, इटली, जापान, रसिया, बेलायत, क्यानडा, कोरिया लगायतका विश्वभरका विभिन्न ७० देशमा चलचित्र प्रदर्शन हुनेछ ।
चलचित्रको दोस्रो बजार मानिने चीनमा चलचित्र कहिलेबाट प्रदर्शन हुनेबारे खुलाइएको छैन । प्रोडक्सन कम्पनी वार्नर ब्रोजले गत हप्ता दिएको जानकारी अनुसार चलचित्रको पहिलो बजार दक्षिण अमेरिकाभन्दा अघि अन्तर्राष्ट्रिय रूपमा चलचित्र प्रदर्शन हुनेछ ।
कोरोना भाइरसको महामारीका कारण यो पटकसहित लगातार तेस्रो पटकसम्म टेनेटको प्रदर्शन मिति सरेको छ । यसअघि पहिलो पटक जुलाई १७ मा चलचित्रको प्रदर्शन तोकिएको थियो भने दोस्रो पटक जुलाई ३१ म तोकिएको थियो । त्यसपछि पुनः अगस्ट १२ मा तोकिएको थियो । हाल दक्षिण अमेरिकामा सेप्टेम्बर २ र अन्य मुलुकमा अगस्ट २६ का लागि तोकिएको छ ।
