काठमाडौं-इन्डियन प्रिमियर लिग (आईपीएल) टी–२० को १३ औं संस्करण सेप्टेम्बर १९ देखि सुरु हुने भएको छ । आइतबार बसेको आईपीएल गभर्निङ काउन्सिलको बैठकले लिग सुरु गर्ने निर्णय गरेको हो ।
भारतीय सरकारबाट प्रतियोगिता आयोजना गर्न अनुमति पाएको र सेप्टेम्बर १९ देखि युएईमा आईपीएल हुने तय भएको भारतीय सञ्चारमाध्यमहरूले जनाएका छन् ।
फाइनल खेल नोभेम्बर १० मा गर्ने निर्णय गर्दै बैठकमा काउन्सिलले प्रत्येक फ्रेन्चाइजको लागि २४ जना खेलाडी राख्न पाउने प्रावधान राखेको छ ।
कोभिड–१९ को रिप्लेसमेन्ट राख्न पाउने नियम पनि स्वीकृत गरेको छ । लिगमा १० दिन दुई–दुई खेल हुनेछ । बेलुकाको खेल साढे ७ बजे सुरु हुनेछ ।
प्रतिक्रिया दिनुहोस्
