काठमाडौं–प्रधानमन्त्री केपी शर्मा ओलीले श्रीलंकाका नवनिर्वाचित प्रधानमन्त्री महिन्दा राजपाक्षलाई श्रीलंकन पिपल्स पार्टी संसदीय निर्वाचनमा भारी मतले विजयी भएकामा बधाई दिएका छन्।
प्रधानमन्त्री ओलीले नेपाल सरकार तथा नेपाली जनताका साथै नेपाल कम्युनिष्ट पार्टी (नेकपा) र आफ्नातर्फबाट प्रधानमन्त्री राजपाक्षलाई टेलिफोन गरेर बधाई ज्ञापन गरेको परराष्ट्र मन्त्रालयले जनाएको छ।
दुवै देशका प्रधानमन्त्रीले पारस्परिक सम्बन्ध सुमधुर रहेकामा प्रसन्नता व्यक्त गर्दै भावी दिनमा त्यसलाई अझ सुदृढ बनाउने इच्छा दोहोर्याएका थिए।
Prime Minister Rt. Hon. K P Sharma Oli called the Prime Minister of Sri Lanka H.E. Mr. Mahinda Rajapaksa to congratulate him on landslide electoral victory of SLPP. Press release. @PradeepgyawaliK @BishnuRimal @Rajanktm @bairagi_shanker @PaudyalBR https://t.co/N2w8FMW7yC
— MOFA of Nepal 🇳🇵 (@MofaNepal) August 7, 2020
टेलिफोन वार्ताका क्रममा उनीहरुले कोभिड–१९ विरुद्धका राष्ट्रिय अनुभव र दुवै देशका सरकारले त्यसका कारण उत्पन्न परिस्थितिलाई सम्बोधन गर्न गरेका प्रयास र अनुभव आदानप्रदान गरेको बताइएको छ।
परिस्थिति सामान्य बनेपछि उच्चस्तरीय भ्रमण आदानप्रदानलाई निरन्तरता दिने इच्छा पनि प्रधानमन्त्रीद्वयले व्यक्त गरेका थिए।
भूकम्पपछि दुई सांस्कृतिकस्थलको पुनःनिर्माणका निम्ति सहयोग गरेकामा श्रीलंका सरकारप्रति प्रधानमन्त्री ओलीले आभार व्यक्त गरेका थिए।
