काठमाडौं–कोरोना भाइरस संक्रमण बढ्दै गएकापछि यसको नियन्त्रण गर्ने उद्देश्यले काठमाडौंसहित उपत्यकका तीन जिल्ला प्रशासन कार्यालयले आजदेखि १६ दिनसम्मका लागि अत्यावश्यकबाहेक अन्य सेवा बन्द गराएका छन्।
काठमाडौं, ललितपुर र भक्तपुरका कोरोना संकट व्यवस्थापन जिल्ला समितिको शुक्रबार बसेको संयुक्त बैठकले अत्यावश्यकबाहेक अन्य सेवा बन्द गर्ने निर्णय गरेको थियो ।
सोही अनुसार आजदेखि आगामी भदौ ८ गते सम्मका लागि नयाँ नेपाली नागरिकता वितरण, नागरिकता प्रतिलिपि वितरण, हातहतियार दर्ता नवीरकण, संस्था/पत्रपत्रिका दर्ता तथा नवीरकण सेवा बन्द गरिएको छ।
त्यसैगरी निजी सुरक्षा कम्पनी नवीकरण, राहदानी वितरण, नाबालिग परिचयपत्र वितरणलगायत अत्यावश्यक नभएका अन्य सेवा बन्द गरिएको छ ।
प्रतिक्रिया दिनुहोस्
