बलिउड अभिनेत्री अनुष्का शर्मा आउँदो वर्ष आमा बन्न लागेकी छिन् । अभिनेत्री अनुष्का र उनका श्रीमान् क्रिकेटर विराट कोहलीले आ–आफ्नो ईन्स्टाग्राममा पोष्ट गर्दै आउँदो वर्ष आफूहरुको जीवनमा नयाँ सदस्यको आगमन हुन लागेको बताएका छन् ।
दुवैले आफ्नो ईन्स्टाग्राममार्फत दुई जनाको जीवनमा अर्को एक जना आउन लागेको भन्दै आफ्नो सन्तानको आगमनको खुसी बाँडेका हुन् । एकअर्काको साथमा खिचिएको तस्विर राख्दै उनीहरुले आफ्नो बच्चाको आगमन हुन लागेको बताएका छन् । उनीहरुले लेखेका छन्, ‘आउँदो २०२१ को जनवरीमा हामी तीन हुँदै छौं ।’ अनुष्का र विराटले २०१७ को डिसेम्बर ११ गते विवाह गरेका थिए । उनीहरु अगाडीबाटै प्रेम सम्बन्धमा रहेका थिए ।
प्रतिक्रिया दिनुहोस्
