काठमाडौं– नेपाल आइडलको अघिल्लै सिजनमा निर्णायक गायिका इन्दिरा जोशीले चाहना प्रकट गर्दै भनेकी थिइन्, ‘महिला प्रतिष्पर्धी नेपाल आइडल भएको हेर्ने मन छ।’ पहिलो र दोश्रो सिजनमा त उनको त्यो चाहना पुरा हुन सकेन । तर, शुक्रबार साँझ भएको तेश्रो सिजनको फाइनलमा उनको त्यो चाहना पुरा भएको छ । अर्थात्, पहिलोपल्ट गायन रियालिटी शो ‘नेपाल आइडल’की विजेता महिला प्रतिष्पर्धी भएकी छिन्- सज्जा चौलागाई ।
टप ३ मा पुगेका प्रविन भेडवाल र किरण बुझेललाई पछि पार्दै मोरङ्गकी सज्जा प्रथम भएकी हुन् ।भर्चुअल माध्यमबाट आयोजना गरिएको आइडलको फिनाले कार्यक्रम एपिवान एचडि टेलिभिजनबाट प्रसारण गरिएको थियो । साँझ ८ बजेदेखि फिनाले कार्यक्रम प्रसारण गरिएको थियो ।
आइडलको तेस्रो संस्करणमा बर्दियाका प्रविन वेडवाल दोस्रो र महोत्तरीका किरण भुजेल तेस्रो भएका छन् । आइडलमा प्रथम हुनेलाई ५० लाख, दोस्रो हुनेलाई १५ लाख र तेस्रो हुनेलाई ५ लाख नगद पुरस्कार राखिएको छ ।
