काठमाडौं- बलिउड अभिनेता चाड्विक बोसम्यानको शुक्रबार निधन भएको छ। समाचार एजेन्सी असोसियट प्रेसका अनुसार उनको शुक्रबार क्यान्सरका कारण मृत्यु भएको हो ।
मार्बलको ‘ब्ल्याक प्यान्थर’बाट सिनेमामा प्रवेश गरेका उनले ब्ल्याक प्यान्थर सेरिजसँगै नेटफ्लिक्सको निर्माणमा रहेको ‘दा फाइभ ब्लड’लगायतमा अभिनय गरेका थिए। सन् २०१६ मा कोलोन क्यान्सरको तेस्रो चरणको उपचार गराएका बोसेम्यानको शुक्रबार निधन भएको हो।
सन् १९७६ मा दक्षिण क्यारोलिनामा जन्मिएका बोसेम्यानले ब्ल्याक प्यान्थरको भूमिकामा मार्वल सिनेम्याटिक युनिभर्सबाट निर्माण भएका एभेन्जर्सः ईन्डगेम, क्याप्टेन अमेरिकाः सिभिल वार र ब्ल्याक प्यान्थरसँगै अन्य थुप्रै श्रृङ्खलामा काम गरेका थिए। ९१औं अस्कर एकेडेमी अवार्डमा उनको अभिनयमा रहेका चलचित्र ब्ल्याक म्यान्थर पनि छनोटमा परेको थियो।
उनको निधनमा मार्भल स्टुडियोजले शोक व्यस्त गरेको छ। मार्भल स्टुडियोजले ट्विट गर्दै लेखेको छ, ‘तिम्रो विरासत सधैं रहनेछ।’ त्यस्तै, डिसी कमिक्सले पनि उनको निधनमा शोक व्यस्त गरेको छ।
