काठमाडौं– प्रहरी प्रधान कार्यलयले नेपाल प्रहरीका ७२ जना प्रहरी नायब उपरीक्षक (डीएसपी) को सरुवा गरेको छ। मानव स्रोत एवं प्रशासन विभागले प्रहरी महानिरीक्षकको निर्णय अनुसार डीएसपीहरूको सरुवा गरेको हो।
सरुवासूचीअनुसार आठ जिल्लाका कार्यालय प्रमुख पनि फेरिएका छन् । पाँचथरमा दानबहादुर थापा, तेह्रथुममा गौतम थापा, कालिकोटमा चक्रबहादुर शाह, सल्यानमा गोविन्द थापा, मुगुमा चित्रबहादुर भट्टराई, रोल्पामा नरेश सुवेदी, प्युठानमा सुनील मल्ल, बझाङमा रूपक खड्कालाई सरुवा गरिएको छ ।
त्यस्तै उपत्यकाका तीन वृत्तका प्रमुख पनि फेरिएका छन् । महानगरीय प्रहरी वृत्त कालिमाटीका प्रमुख हालका डीएसपी रूगम कुँवरलाई केन्द्रीय अनुसन्धान ब्युरो (सीआईबी) मा सरुवा गरिएको छ भने त्यहाँ अपिलराज बोहोरालाई पठाइएको छ। बोहोरा यसअघि महानगरीय प्रहरी वृत्त, सिंहदरबारको पनि इन्चार्ज थिए। त्यस्तै जगाती वृत्तमा राजेश थापाको सरुवा भएको छ भने दरबारमार्ग वृत्तमा कार्यरत रामेश्वर पौडेलको त्यहीँ सरुवा भएको छ ।
को कहाँ सरुवा भए, हेर्नुहोस् सूची:
