काठमाडौं– ललितपुरको पुल्चोकस्थित रातो मत्स्येन्द्रनाथको रथ तान्ने क्रममा स्थानीयवासी र प्रहरीबीच भएको झडपमा चार जना घाइते भएका छन् । घाइतेमध्ये एक स्थानीय र एक ट्राफिक प्रहरी जवान गम्भीर घाइते भएको प्रहरीले जनाएको छ ।
घाइते भएका स्थानीयलाई प्रहरीले उद्दार गरेर उपचारका लागि प्रहरी भ्यानमा चढाएर अस्पतालतर्फ लगेको छ । त्यस्तै स्थानीय युवाहरुको गम्भीर कुटपिटबाट घाइते भएका प्रहरी जवान कमलप्रसाद घिमिरेको अल्का अस्पतालमा उपचार भइरहेको छ।
महानगरीय प्रहरी कार्यलय रानिपोखरीका प्रवक्ता एसएसपी सुशिलकुमार यादवका अनुसार झडपमा प्रहरीसहित चार जना घाइते भएको विवरण आएको छ । ‘विस्तृत विवरण आउन बाँकी छ,’ उनले भने । स्थानीयको ढुंगा प्रहारबाट केही पत्रकारसमेत घाइते भएका छन् । विस्तृत विवरण आउन बाँकी छ ।
तस्बिरहरु : सागर लामिछाने मगर/सूत्रन्यूज 
प्रतिक्रिया दिनुहोस्
